Te Pātaka Ngohe
Kaupae Tuatahi
AS91714 1.1 He Tauāki mō te Takai Kai
Kia whakaputa ai i t/ētahi tauāki mō tētahi momo takai. Ka aromatawaingia te whakamahi i ngā tikanga maha hei āta tūhura, āta arohaehae hoki i ngā hiahia o te whānau/hapū me ngā huarahi wātea mō tētahi takai kai, otirā mō te parahau i te whaitake o te takai kai e takoto ana i roto tētahi tauāki.
AS91714 1.1 He Whakaputa Tauāki
Kia whakaputa ai i t/ētahi tauāki mō tētahi hua hangarau. Ka aromatawaingia te whakamahi i ngā tikanga maha hei āta tūhura, āta arohaehae hoki i ngā hiahia o te hunga māna te hua hangarau me ngā huarahi wātea i roto i te kaupapa i tohungia, otirā mō te parahau i te whaitake o te hua hangarau e takoto ana i roto tētahi tauāki.
AS91715 1.2 Te Whakaputa Mahere mō te Takai Kai
Kia whakamahere ai i te putanga mai o tētahi takai hei tikanga rokiroki kai. Kei tētahi tauāki ngā āhuatanga o taua takai kai hei whakaea. Ka aromatawaingia te parahau i te whaitake o te mahere hei whakaea i te tauāki.
AS91715 1.2 Te Whakaputa Mahere mō te Takai Kai
Kia whakamahere ai i te putanga mai o tētahi hua hangarau. Ka aromatawaingia te parahau i te whaitake o te mahere hei whakaea i te tauāki.
AS91716 1.3 He Ariā Hoahoa mō te Takai Kai
Kia whakaputa ai i t/ētahi ariā hoahoa mō tētahi momo takai. Kei tētahi tauāki ngā āhuatanga o taua takai kai hei whakaea māu. Ka aromatawaingia te parahau i te whaitake o te/ngā ariā hoahoa hei whakaea i te tauāki.
AS91716 1.3 He Whakaputa Ariā Hoahoa
Kia whakaputa ai i t/ētahi ariā hoahoa mō tētahi hua hangarau. Ka aromatawaingia te parahau i te whaitake o te/ngā ariā hoahoa hei whakaea i te tauāki.
AS91717 1.4 He Takai mō te Kai
Kia whakaputa ai i tētahi takai kai. Kei tētahi tauāki ngā āhuatanga o taua takai kai hei whakaea. Ka aromatawaingia te parahau i te whaitake o tētahi takai kai.
AS91717 1.4 He Whakaputa Hua Hangarau
Kia whakaputa ai i tētahi hua hangarau. Ka aromatawaingia te parahau i te whaitake o tētahi hua hangarau.
AS91718 1.5 Kia Māori ai te Hua
Kia whakaputa i tētahi hua hangarau whaitake mō te ao hurihuri nei. Ka aromatawaingia te hua i runga i te kaha ki te parahau i tōna whaitake mā te whakamātautau me te ui i ngā whakaaro o te hunga e whai pānga ana.
Kaupae Tuarua
AS91770 2.1 He kākahu mō Iron Māori
Kia whakaputa tauāki mō tētahi momo kākahu mō te kaupapa Iron Māori. Ka aromatawaingia te whakahiato kōrero mō ngā hiahia o tētahi tangata/hapori ki tētahi kākahu mō Iron Māori, mā te whakamātau i ngā huarahi maha, me te āta whakahāngai i te tauāki kia tino kitea ai aua hiahia rā. Me parahau hoki he pēhea tā te tauāki whakaea i ngā hiahia o te hunga rā.
AS91770 2.1 He tāruke kōura
Kia whakaputa tauāki mō tētahi momo tāruke kōura. Ka aromatawaingia te whakahiato kōrero mō ngā hiahia o tētahi tangata/hapori ki tētahi tāruke kōura, mā te whakamātau i ngā huarahi maha, me te āta whakahāngai i te tauāki kia tino kitea ai aua hiahia rā. Me parahau hoki he pēhea tā te tauāki whakaea i ngā hiahia o te hunga rā.
AS91771 2.2 He kai mā te toa
Kia whakatakoto tikanga e puta ai tētahi waka huia manaaki, arā, he rauemi e noho nei ētahi mea hei whakaea i ngā hiahia o tētahi tangata e uru ana ki te whakataetae Iron Māori, ahakoa kai, ahakoa mahere kai, ahakoa aha. Ka aromatawaingia te kōwhiri, te whakamahi hoki i ētahi tikanga kia nahanaha ai te putanga o tētahi waka huia manaaki hei whakaea i ngā hiahia o te toa Iron Māori.
AS91771 2.2 Te whakatakoto tikanga mō te tāruke kōura
Kia whakatakoto tikanga e puta ai tētahi tāruke kōura hei whakaea i ngā hiahia o tētahi tangata mātau, arā, o tētahi tangata e mōhio ana ki te hopu kōura, ki te hanga tārukē kōura rānei. Ka aromatawaingia te kōwhiri, te whakamahi hoki i ētahi tikanga kia nahanaha ai te putanga o tētahi tāruke kōura hei whakaea i ngā hiahia o te tangata mātau.
AS91772 2.3 He hoahoa kākahu mō Iron Māori
Kia whakaputa hoahoa kākahu mō te kaupapa Iron Māori. Me whai te mahi hoahoa nei i tētahi tauāki kua oti kē, engari ehara i te mea e aromatawaingia ana te tauāki i konei. Ka aromatawaingia te arotake i ētahi huarahi hoahoa i te kākahu nei me te parahau he pēhea tā te hoahoa whakaea i te tauāki.
AS91772 2.3 He hoahoa tāruke kōura
Kia whakaputa hoahoa tāruke kōura. Me whai te mahi hoahoa nei i tētahi tauāki kua oti kē, engari ehara i te mea e aromatawaingia ana te tauāki i konei. Kia aromatawaingia te arotake i ētahi huarahi hoahoa i tētahi tāruke kōura me te parahau he pēhea tā te hoahoa whakaea i te tauāki.
AS91773 2.4 Me he tē!
Kia whakarite, kia waihanga, kia whakaputa i te ataata whakatairanga. E āhei ana te mahi ā-rōpū, heoi anō, me mārama te kite i ngā wāhi ki ia tangata. Tērā pea, kua oti kē te whakaputa tauaki, te whakatakoto tikanga me te whakaputa hoahoa mō te kaupapa nei. Mā te tauaki (2.1) te whakatakoto tikanga (2.2) me te whakahoahoa (2.3) e ārahi kia tino whaitake. Ka aromatawaingia te ataata whakatairanga i runga i te āhua o te kounga o tana hanga, te āhua o tana whakamahinga me te āhua o tana whakaea i tētahi take hangarau motuhake.
AS91773 2.4 Mā te hua hangarau rorohiko e whakaea!
Kia whakaputa i tētahi hua hangarau rorohiko hei taputapu whakamahi mā te kiritaki ka tautohua. Me riwha tētahi take te tautohu, tētahi tauira te hanga, te whakamātautau, me te panoni mehemea he take kia panonihia, me te hua hangarau rorohiko te hanga. Ka aromatawaingia te hua kua whakaputaina i runga i te āhua o te kounga o tana hanga, te āhua o tana whakamahinga me te āhua o tana whakaea i tētahi take hangarau motuhake.
AS91774 2.5 Kia ora anō ai te taiao!
Kia hanga i tētahi tū hangarau hei hāpai i te whakarauoratanga, i te manaakitanga hoki o te taiao. Me riwha tētahi tauaki te tuhi, tētahi tauira te hanga, te whakamātautau, me te panoni mehemea he take kia panonihia, me te hua hangarau hanganga te hanga. Ka aromatawaingia te hua hangarau hanganga i runga i te āhua o te kounga o tana hanga, te āhua o tana whakamahinga me te āhua o tana whakaea i tētahi take hangarau motuhake.
AS91774 2.5 Māu e tohu, māu hoki e hanga
Kia whakaputa i tētahi hua hangarau hanganga hei taputapu whakamahi mā te kiritaki ka tautohua. Me riwha tētahi take te tautohu, tētahi tauira te hanga, te whakamātautau, me te panoni mehemea he take kia panonihia, me te hua te hanga. Ka aromatawaingia te hua hangarau hanganga i runga i te āhua o te kounga o tana hanga, te āhua o tana whakamahinga me te āhua o tana whakaea i tētahi take hangarau motuhake.
AS91775 2.6 Te wairākau hei hoko
Kia whakaputa i tētahi hua hangarau wairākau hei hāpai i ngā mahi parakore i te kura. Me riwha tētahi tauaki te tuhi, tētahi tauira te hanga, te whakamātautau, me te panoni mehemea he take kia panonihia, me te hua hangarau kai te hanga. Ka aromatawaingia te hua i runga i te āhua o te kounga o tana hanga, te āhua o tana whakamahinga me te āhua o tana whakaea i tētahi take hangarau motuhake.
AS91775 2.6 Hanga atu, hanga mai, he hua hangarau kai!
Kia whakaputa i tētahi hua hangarau kai hei whakamahi mā te kiritaki ka tautohua. Me riwha tētahi take te tautohu, tētahi tauira te hanga, te whakamātautau, me te panoni mehemea he take kia panonihia, me te hua hangarau kai te hanga. Ka aromatawaingia te hua kua whakaputaina i runga i te āhua o te kounga o tana hanga me te āhua o tana whakaea i te take hangarau motuhake.
AS91776 2.7 Taiea ana!
Kia hoahoa, kia whakaputa i tētahi momo kākahu kura ōkawa mō ngā taitamatāne me ngā taitamawahine o te kura. Me riwha tētahi tauaki te tuhi me tētahi tauira te hanga, te whakamātautau me te panoni mehemea he take kia panonihia, me te hua hangarau kākahu te hanga. E āhei ana te mahi ā-rōpū, heoi anō, me mārama te kite i ngā wāhi ki ia tangata. Ka aromatawaingia te hua hangarau kākahu i runga i te āhua o te kounga o tana hanga, te āhua o tana whakamahinga me te āhua o tana whakaea i tētahi take hangarau motuhake.
AS91776 2.7 He pūeru, he kākahu
Kia whakaputa i tētahi hua hangarau kākahu mā te kiritaki ka tautohua. Me riwha i a koe tētahi take te tautohu, tētahi tauira te hanga, te whakamātautau me te panoni mehemea he take kia panonihia, me te hua hangarau kākahu te hanga. Ka aromatawaingia te hua kua whakaputaina i runga i te āhua o te kounga o tana hanga, tana whakamahinga me te āhua o tana whakaea i tētahi take hangarau motuhake.
Kaupae Tuatoru
AS91836 3.1 Te mahi hāngī
Kia whakarite whakaaturanga hei āta tātari i te whai whakaarotanga ki ngā mātāpono Māori. Ka arotake i ngā aupiki me ngā auheke e whakaawe nei i ngā mātāpono Māori, arā, ngā kawenga a te tangata me ngā tikanga taketake nō te ao Māori – te mahi hāngī me ngā momo hangarau ka whakamahia. Ka aromatawaingia te whakaaturanga i runga i ngā tātaritanga whakaaro o ngā mātāpono Māori i te mahi hāngī.
AS91836 3.1 He whai whakaaro
Kia whakarite pūrongo hei āta tātari i te whai whakaarotanga ki ngā mātāpono Māori i roto i ngā momo mahi hangarau kei tētahi rohe. Ka aromatawaingia te pūrongo i runga i te mātau ngā whakaaro mō ngā hua whānui o te whai whakaarotanga ki ngā mātāpono Māori i roto i ngā mahi hangarau, te whakaputanga o ngā whakaaro e kaha atu ai te whai whakaarotanga, me ngā taunakitanga.
AS91837 3.2 Whāia kia tika!
Kia āta tātari i ngā whakataunga matatika e pā ana ki ētahi mahi hangarau i tētahi rohe me te whakaatu i ngā kitenga ka whakaaturia ai mā te pānui whakaahua. Ka aromatawaingia te whakaaturanga i runga i te mātau o ngā whakaaro mō ngā hua whānui o ngā whakataunga matatika e pā ana ki ētahi mahi hangarau i te rohe, te whakaputanga o ngā whakaaro e kaha atu ai te taha matatika o te mahi hangarau, me ngā taunakitanga.
AS91837 3.2 He matū, he matatika
Kia āta tātari i ngā whakataunga matatika e hāngai ana ki te tuku i te matū 1080 ki te taiao ka pūrongotia ai. Ka aromatawaingia te whakaaturanga i runga i te mātau o ngā whakaaro mō ngā hua whānui o ngā whakataunga matatika e pā ana ki ētahi mahi hangarau i te rohe, te whakaputanga o ngā whakaaro e kaha atu ai te taha matatika o te mahi hangarau, me ngā taunakitanga.
AS91838 3.3 He matū, he mātāpono
Kia whakarite i tētahi pakipūmeka e tātari ai i te whakamahinga o ngā mātāpono Māori. Ka arotake i ngā āhuatanga tōrunga me ngā āhuatanga tōraro hoki e whakaawe nei i ngā mātāpono Māori i ngā mahi whakahaere i te matū 1080. Koia ko te whakapapa o ngā tāngata ki ngā atua tae atu ki te aitanga-a-Tāne, ā, haere tonu nei ki a tātou ngā kaitiaki me ngā mahi tuku i te matū 1080 ki te taiao. Ka aromatawaingia te pakipūmeka i runga i ngā tātaringa whakaaro ki ngā mātāpono Māori i roto i ngā mahi tuku i te matū 1080 ki te taiao.
AS91838 3.3 Taku rohe – he hangarau, he mātāpono
Kia tātari i te whakamahinga o ngā mātāpono Māori i roto i ngā mahi hangarau i tētahi rohe. Ka aromatawaingia i runga i te mātau o ngā whakaaro mō ngā hua whānui o ngā whakamahinga o ngā mātāpono Māori i roto i ngā mahi hangarau, te whakaputanga o ngā whakaaro e kaha atu ai te taha mātāpono Māori o ngā mahi hangarau, me ngā taunakitanga.