Te Pātaka Ngohe
Kaupae Tuatahi
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91726 1.1 Kainga te Tahua a Rongo
Kia whakaatu māramatanga ki ngā tikanga whakatupu kūmara, he whakamārama hoki i te hira o te kūmara i roto i te ao Māori. Ka aromatawaingia te kaha ki te whakaatu i te mārama ki ngā mātāpono/iho matua o te ao Māori e pā ana ki tēnei mea te kūmara, me te āhei ki te tiki atu i ngā kōrero nō te ao Māori hei kīnaki/taunaki, otirā, me te āhei ki te whakamārama i te hira o te kūmara i roto i te ao Māori.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91726 1.1 Rāhui
Kia whakamārama i tētahi tikanga Māori ka pā ki te tangata, ki tētahi mea rānei. Ka aromatawaingia te kaha ki te whakaatu māramatanga ki tā te Māori pāhekoheko ki te ao tūroa.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91726 1.1 Te Marae o Tū rāua ko Rongo
Kia tito i tētahi haka e whakaaturia ai te mōhio/mārama ki tētahi whakataukī me ōna pānga ki te kawa o Tū rāua ko Rongo. Ka aromatawaingia te kaha ki te whakaatu māramatanga ki ngā ariā/mātāpono/iho matua me te whakaahua i ngā kōrero mō Tū rāua ko Rongo i puta ai te kawa o te marae, tae atu rā ki te āta whiriwhiri i te wāhi ki te kawa o te marae i roto i te ao o te tangata.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91727 1.2
Kia tuhi pūrongo mō ngā mahi tāpoi i Waikaremoana, arā, kia tuhi i ngā painga, i ngā tūkinotanga o te mahi tāpoi ki te iwi kāinga me ngā tūruhi hoki. Ka aromatawaingia te kaha ki te whakapuaki whakaaro mō tētahi wāhi tapu ki te Māori.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91727 1.2 He wāhi whakahirahira
Kia tuhi pūrongo e tātari ai i ngā tūāhua matua e hāngai ana ki tētahi wāhi tapu ki tōu rohe. Ka aromatawaitia te nanakia ki te whakapuaki whakaaro mō taua wāhi tapu.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91728 1.3 Mō te Māori anahe te moko!
Kia mahi kauhau e whakaatu ai i te māramatanga ki ngā tirohanga maha mō te mau moko i te ao hōu me ōna pāpātanga ki ētahi hunga. Ka aromatawaitia te whakaatu māramatanga mō ngā tirohanga maha me ōna pāpātanga ki tēnā, ki tēnā.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91728 1.3 Mātaki mai ana te Ao!
Kia whakarite i tētahi pānui whakaahua hei whakaatu i te māramatanga ki ngā take i rerekē ai tēnā tirohanga me tēnā ki te tawhio nei, otirā ki ngā ture whakatāuke o Āwherika ki te Tonga. Ka aromatawaingia te kaha ki te whakaatu māramatanga ki ngā take i rerekē ai tēnā tirohanga me tēnā.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91729 1.4 Hononga ā-Iwi
Kia tuhi pūrongo e tātari ana i ngā ariā matua e hāngai ana ki te hononga ā-iwi me ōna pānga mai i ngā pakiwaitara huhua mō te taunga mai o ngā waka ki Aotearoa. Ka aromatawaingia te kaha ki te whakapuaki whakaaro mō ngā hanganga pāpori Māori o mua.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91729 1.4 Taku kāinga
Kia whakaatu māramatanga mō te hanganga o tētahi hapori Māori o mua mā tētahi pānui whakaahua. Ka aromatawaingia te whakamārama i ngā ariā pāpori matua o te hapori kua tīpakohia, te whakamāramatanga i ngā whanaungatanga matua o taua pāpori rā me ngā pānga o ērā ki te Māori.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91730 1.5 Nō whea au ? Nā wai au ?
Kia hanga whitiata pūrongo hei tuku ki te mātāmua o te whānau e mōhio ai ia nō whea ia, ā, nā wai ia. Ka aromatawaitia i runga anō i te kaha ki te whakamārama i ngā panga, arā, ko ngā āhuatanga whakaawe i tō whānau pērā i ngā mahi, ngā uara, ngā tirohanga me ngā tikanga.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91730 1.5 Te Tuakiri Tangata
Kia whakatewhatewhangia ai ngā āhuatanga e whakaawe nei i te tuakiri tangata. Ka aromatawaingia te kaha ki te whakamārama i ngā pānga o ngā āhuatanga whakaawe ki te tuakiri o te tangata, o te rōpū rānei, pērā i te tirohanga ki te ao me ōna tini kaupapa, ngā uara, ngā whakapono, ngā tikanga kua waiho hei ārahi, otirā ngā mahi ka mahia i runga i ērā āhuatanga o te tuakiri.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91731 1.6 Tangihia! Tangihia!
Kia tuhi pūrongo e whakapuaki whakaaro ai mō ngā tikanga, te kawa rānei o te tangihanga. Ka aromatawaingia te whakamārama i ngā pūtake o ētahi tikanga ka kawe i te tangihanga.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91731 1.6 Hei runga, hei raro!
Kia hanga pānui whakaahua (ā-pepa, ā-hiko rānei) hei whakapuaki whakaaro mō ngā tikanga, kawa ka hāngai pū ki te ritenga o te whakaeke marae. Ka aromatawaingia te whakamārama i ētahi tikanga, kawa rānei o te whakaeke marae me ngā take i pērā ai.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91731 1.6 Tākina te kawa
Kia rangahau i tētahi tikanga takitaki karakia kua roa nei e whakahaeretia ana ki tētahi takiwā. Ka aromatawaitia te kaha ki te whakapuaki whakaaro hei whakamarama i taua tikanga takitaki karakia me ngā take e pērā ai.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91732 1.7 He taonga tuku iho!
Kia waihanga i tētehi ataata e whakamārama ana i ngā ariā matua e ārahi ana i te pupuri me te tuku mātauranga mā te mōteatea. Ka aromatawaitia te whakamārama i ngā tūāhuatanga mō te pupuri me te tuku mātauranga mā te wetewete i ōna tikanga me ngā tukanga mahi tahi a ngā iwi.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91732 1.7 Te toi huarewa
Kia tuhi i tētahi kōrero e whakaatu māramatanga ai ki tā te Māori tikanga mō te pupuri me te tuku mātauranga. He mahi takitahi tēnei. Ka aromatawaitia te whakamārama i ngā tūāhuatanga mō te pupuri me te tuku mātauranga mā te wetewete i ōna tikanga me ngā tukanga mahi tahi a ngā iwi.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91732 1.7 E rere taku manu kōrero
Kia whakaatu mōhiotanga ki tētahi tūmomo tikanga mō te pupuri me te tuku mātauranga. Ka aromatawaitia te kaha ki te whakaatu i te mōhiotanga ki ngā tūmomo tikanga tuku mātauranga whaitake me ōna ariā matua, me ngā tukanga mahi tahi e hāngai ana ki aua tūmomo tikanga.
Kaupae Tuarua
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91758 2.1 Ngāi Māori ki Ahitereiria
Kia tuhi pūrongo hei whakaatu i ngā take e hūnuku ai te mātinitini o Ngāi Māori ki reira. Ka aromatawaingia te arotake i ngā pāpātanga o te hūnuku ki te hunga kua hūnuku, tae atu ki ngā hapori me te iwi ka mahue ki Aotearoa.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91758 2.1 Te hekenga nui ki te tāone
Kia whakarite i tētahi kauhau tukuata hei rangahau i ngā take i pērā ai te hūnuku a te tokomaha o ngā Māori ki ngā tāone. Ka aromatawaingia te arotake i ngā pāpātanga o te hūnukutanga ki taua hunga i wehe, tae atu rā ki ngā pāpātanga ki ngā iwi me ngā hapori i mahue ki ngā papakāinga.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91759 2.2 Toitū te whenua, toitū te kaute!
Kia whakahoahoa pūrongo whakaata hei tūhura i ngā take e pā ana ki te whakamahi whenua i roto i ngā mahi tāpoi me ngā tirohanga rerekē. Ka aromatawaingia te nanakia ki te tūhura me te whakamārama i ngā take e pā ana ki te whakamahi whenua i roto i ngā mahi tāpoi, te whai i ngā rautaki e whakaea ai ngā take me ngā tirohanga rerekē e hāngai ana ki te whenua.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91759 2.2 Tutū te puehu
Kia whakarite kauhau hei whakaputa i ngā tirohanga rerekē e hāngai ana ki tētahi take whakamahi whenua me ngā rautaki hei ahu whakamua. Ka aromatawangia te pakari ki te āta arotake me te parahau i tētahi huarahi rerekē.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91760 2.3 Me hoki whenua mai
Kia whakatewhatewha i tētahi take tōrangapū e whai pānga ana ki tētahi wāhanga o te porihanga Māori. Tērā pea he rōpū, he hapori, he iwi, ko Aotearoa whānui rānei, ngā tāngata kua rongo i te pāpātanga o tēnei take torangapū. Ka aromatawaingia te kaha ki te arotake i ngā pāpātanga o te take torangapū ki taua rōpū, ngā take wehewehe ai, whakakotahi ai rānei i taua rōpū, ngā hua hoki ā-rōpū, ā-hapori, ā-ahurea rānei.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91760 2.3 Ngā tūru Māori
Kia whakarite whakaaturanga hei tūhura i ngā take e pā ana ki ngā tūru Māori i te Pāremata. Ka rangahau i ngā tāhuhu kōrero mō ngā tūru Māori me ngā tirohanga matahuhua ki tēnei kaupapa. Ka aromatawaingia te arotake i ngā āhuatanga matua o ngā tūru Māori, ngā pāpātanga ki te porihanga, me ngā rautaki e tau ai, e koke ai tēnei take tōrangapū.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91761 2.4 Tōku reo, tōku māpihi maurea
Kia tūhura i ngā momo take o te wā e pāpā ana ki te oranga tonutanga o tō tātou nei reo rangatira, waihoki, i ngā rautaki e whanake tonu ai te reo. Ko te hanga o tēnei aromatawai he kōrero e whakapuaki ana i ngā kitenga i te mahi tūhura i te kaupapa. Ka aromatawaingia te arotake i ngā take e pāpā ana ki te oranga tonutanga o te reo Māori me te kounga o te tātari i ngā rautaki whakarauora i te reo Māori.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91761 2.4 Te reo Māori – mō te ao katoa?
Kia whakarite pūrongo e tūhura ana i ngā hua – pai mai, kino mai – o te ako a ngā ākonga katoa o Aotearoa i te reo Māori. Ka aromatawaingia te pūrongo me te pakari ki te āta taunaki i tētahi huarahi rerekē e pai atu ai ngā hua
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91762 2.5 Mā te arero taku iwi e hahu ake!
Kia whakarite i tētahi pūrongo whakaata e āta tātari ai tētahi iwi, tētahi atu iwi rānei kua pepehatia. Ka aromatawaingia te tātari i ngā āhuatanga matua me ngā panonitanga ki te tuakiri ā-iwi.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91762 2.5 Tū mai, ora mai
Kia whakarite kauhau mō te tuakiri o tētahi rōpū me te pānga mai o tētahi kaupapa o te wā ki te tuakiri ā-iwi o te rōpū nei. Ka aromatawaihia te kauhau me te pakari ki te arotake i ngā pāpātanga o te kaupapa o te wā ki te tuakiri ā-iwi.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91763 2.6 ī-Tangihanga
Kia whakaputa i tētahi pūrongo, kauhau rānei e whakamārama ana i ngā pāpātanga ki te tangata o te whakapaohotanga o ngā tangihanga. Ka aromatawaitia te tātari i ngā pāpātanga o te tukitukinga tikanga ki te tangata e pā ana ki te whakapaoho i ngā tangihanga i ēnei tau tata nei.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91763 2.6 Hika rā taku ahi!
Kia whakarite i tētahi pūrongo, kauhau rānei e whakamārama ana i tētahi take i tutū ai te puehu i waenganui i te iwi Māori me te kāwanatanga. Ka mutu, ka whakamārama i ōna pāpātanga ki te iwi. Ka aromatawaitia te nanakia ki te tātari me te whakamārama i ngā take i tutū ai te puehu me ōna pāpātanga.
Kaupae Tuatoru
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91826 3.1 Ka pū te ruha, ka hao te rangatahi!
Kia tātari i te ahurea rangatahi o āianei. Ka whakaputa i tētahi pūrongo whakaaturanga e whakamārama ai i ngā āhuatanga matua, ngā āhuatanga o waho, o roto o te ahurea rangatahi me te whakatau whakaaro mō namata. Ka aromatawaingia te whakatau whakaaro mō ngā āhuatanga matua, ngā āhuatanga o waho, o roto o te ahurea rangatahi me te whakataurite ki ahurea kē atu.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91826 3.1 E rua, e rua, kāore rānei?
Kia whakarite i tētahi kauhau rauata e āta tātari ai tētahi tikanga ahurea taketake me te whakataurite ki ahurea kē atu. Ka whakamārama i ngā āhuatanga matua, ngā āhuatanga o waho, o roto me te whakatau whakaaro mō namata. Ka aromatawaingia te whakatau whakaaro mō ngā āhuatanga matua, ngā āhuatanga o waho, o roto o te ahurea taketake me te whakataurite ki ahurea kē atu.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91827 3.2 Hei oranga mō te iwi
Kia tuhi i tētahi pūrongo e tātari ana i tētahi rautaki whakapūmau ahurea a tētahi iwi Māori. Ka whakamārama i te rautaki mā te rangahau i ngā tirohanga me ngā uara rerekē ka whai wāhi atu. Ka aromatawaingia te matapaki i ngā hua whānui me te whakatau whakaaro e kaha ake ai te rautaki, ā, ka āta taunaki hoki.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91827 3.2 He rautaki taketake
Kia whakarite whakaaturanga tukuata hei tātari i tētahi rautaki kua whakatakotoria e tētahi iwi taketake o tāwāhi hei whakapūmau i tō rātou ahurea. Ka aromatawaingia te whakatau whakaaro mō te whaihua o te rautaki me tāu whakaputa whakaaro e kaha ake ai te rautaki.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91828 3.3 Te ture me te whenua
Kia waihanga i tētahi pakipūmeka poto hei tātari i ngā take e pā ana ki ngā whenua Māori, arā, ko ngā raruraru me ngā taukumekume mō te whenua i hua ake i te ture. Ka aromatawaingia te tātari i ngā take e pā ana ki ngā whenua Māori, tae atu ki te whakaatu i tētahi huarahi rerekē e pai atu ai ngā hua.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91828 3.3 Oranga whenua
Kia tuhi pūrongo pāpāho hei whakaatu i ētahi kaupapa whakawhanake i ngā whenua Māori. Ka aromatawaingia te tātari i ngā take e pā ana ki ngā mahi whakawhanake i ngā whenua Māori, tae atu ki te whakatakoto i tētahi huarahi rerekē e pai atu ai ngā hua.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91829 3.4 Nō mai rā anō!
Kia mahi he hoahoa i tētāhi pūrongo ataata e whakaatu ana, e whakamārama ana i ngā pāpātanga ki te iwi. Ka aromatawaingia te kaha ki te whakamārama i ngā pāpātanga ki te iwi me tētahi huarahi rerekē e pai ake ai ngā hua mō te iwi.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91829 3.4 Mō te iwi, mā te iwi!
Kia whakamārama i ngā pāpātanga ki tētahi iwi, me ngā urupare a te iwi. Ka mutu, ko te matapaki me te whakatakoto i ngā hua whānui. Ka aromatawaingia te āhei ki te whakatakoto i tētahi huarahi rerekē e pai atu ai ngā hua mō te iwi.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91830 3.5 Te Pāhuatanga
Kia tātari i ngā pāpātanga o te Pāhuatanga ki te iwi Māori, arā pea he kiriata, he kōrero, he tuhinga roa rānei. Ka aromatawaingia te whakatakoto i tētahi huarahi rerekē e pai atu ai ngā hua whānui o te Pāhuatanga o Parihaka.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91830 3.5 Te pakanga o Pukehinahina
Kia tātari i ngā pāpātanga o tēnei tūāhua ki te iwi Māori, arā, pea he kiriata, he kōrero, he tuhinga roa rānei. Ka aromatawaingia te whakatakoto i tētahi huarahi rerekē e pai atu ai ngā hua whānui o te pakanga o Pukehinahina.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91831 3.6 He huarahi pai mō te taiao
Kia whakaatu i ngā pāpātanga o ngā kīrearea ki te taiao me ngā huarahi e whakaritea nei hei urupare ki aua pāpātanga. Ka whakarite pūrongo hei whakaahua i ngā hua o ō mahi rangahau. Ka aromatawaingia te tātari i tēnei kaupapa tae atu ki te whakaatu i tētahi huarahi rerekē e pai atu ai ngā hua mō te iwi.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91831 3.6 Kei riro whenua atu!
Kia whakarite pūrongo mō te poari o tētahi iwi hei whakamārama i ngā pāpātanga ki te iwi o te whanaketanga o tētahi wāhi ki tōna rohe. Ka aromatawaingia te pūrongo me te pakari ki te matapaki, ki te taunaki i ngā kitenga, i ngā tūtohunga ki te poari.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91832 3.7 Te pōwhiri
Kia whakarite pakipūmeka poto hei aro ki ngā āhuatanga o te ahurea Māori e kitea ana i te tikanga nei, i te pōwhiri. Ka aromatawaingia te whakatau whakaaro mō te kaha o te whakaawe o ngā tikanga o te pōwhiri i te tuakiri o Aotearoa.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91832 3.7 Te Matatini
Kia matapaki i ngā tikanga matua o Te Matatini e whakanui ana i te ahurea. Ka aromatawaingia te matapaki i ngā hua o Te Matatini me ōna whakaawenga ki te tuakiri o Aotearoa.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91833 3.8 E wairutu nei!
Kia whakarite i te pūrongo mō ngā panonitanga mohoa ake nei o ngā tangihanga. Ka aromatawaingia te pūrongo ki te tātaritari i ngā panonitanga o ngā tikanga tangihanga, ki te tautuhituhi i ngā take, ki te matapae i ngā panonitanga anamata nei me ngā hua ka puta i reira.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91833 3.8 Kei poko te ahi!
Kia whakarite i te pūrongo mō ngā tikanga me te mana o ‘te ahi kā’. Ka aromatawaingia te pūrongo ki te tautuhituhi i ‘te ahi kā’, ki te tātaritari i ōna tikanga me tōna mana, ki te whakaahua i te hononga o rātou e noho ana ki waho, ki te mārohirohi anō hoki i ngā tikanga e mau tonu ai te mana o ‘te ahi kā’.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91834 3.9 Ka okea tonutia tātau!
Kia whakarite, kia whakaputa i tētahi pūrongo ataata hei whakaatu, hei whakamārama hoki i ngā pāpātanga o te tāmitanga ki te iwi Māori. Ka aromatawaingia te āhei ki te whakamārama i ngā pāpātanga o te tāmitanga ki te iwi Māori me te whakaputa i ngā whakaaro hei rongoā i ngā tāmitanga.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91834 3.9 Ko Mātāmua, ko Mātāmuri!
Kia whakarite, kia whakaputa i tētahi pūrongo whakaahua e whakatairite ai i ngā pāpātanga o te tāmitanga ki te iwi moutere me te iwi Māori. Ka aromatawaingia te āhei ki te whakamārama i ngā pāpātanga o te tāmitanga ki te iwi moutere me te iwi Māori, me te whakaputa i ngā whakaaro hei rongoā.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91835 3.10 Hīkoi
Ka āta rangahau i ngā pūtake o te hīkoi, ngā tāngata i uru atu me ngā whāinga o te hīkoi kia matapaki ai ngā hua, wā poto nei, wā roa nei, ka puta ake. Ka aromatawaingia te whakatau whakaaro mō ngā hua whānui ka puta ake i te Hīkoi Whenua nei.
![thumb tikanga a iwi 320x180](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/thumbnails/43e24bf726/thumb_tikanga-a-iwi_320x180.png)
AS91835 3.10 Tū mai te kura!
Kia tātari i te aranga ake o tētahi kura Māori me ngā hua e pā ai te iwi. Ka āta rangahau i ngā pūtake o te kura, ngā tāngata i hāpai te kaupapa me ō rātou whāinga kia matapaki i ngā hua, wā poto nei, wā roa nei, ka puta ake. Ka aromatawaingia te whakatau whakaaro mō ngā hua whānui ka puta ake i te whakatūnga o te kura.