Manawatia tō Marau ā-kura.
Ko au te marau ā-kura, ko te marau ā-kura ko au.
Ko te whāinga matua o ngā rā kaiako nei he tautoko i te hanganga o ngā marau ā-rohe e tūturu ai, e whānui ai, e hāngai ana ki te ākonga me te tautoko i ngā marau ā-kura hoki.
Ko te kaupapa o ngā mōhiotanga me ngā rauemi he tautoko i a koe mō te whakamahere i ō Tautoko Rā Kaiako.
Ka horaina i ēnei rā tētahi wā wātea ki a koe kia mārama, kia takatū, kia tuitui hoki ki ngā panonitanga marautanga, aromatawai hoki.
Ko tā te Tautoko Rā Kaiako 1 (Wāhanga 2: Mane 24 Paengawhāwhā – Paraire 5 Haratua 2023), he whakatenatena i a koe kia tūhura i te hoahoatanga hou o Te Marautanga o Aotearoa. I whakaurungia e mātou ētahi wāhanga rerekē, tae atu ki Te Tamaiti Hei Raukura.
Ko tā te Tautoko Rā Kaiako 2 (Wāhanga 4: Mane 13 Whiringa-ā-rangi – Paraire 24 Whiringa-ā-rangi 2023), he whakapiki i tō māramatanga mō ngā mea e kīa nei e mātou ināianei ko ‘Ngā Pou Matua o te Tīrewa Marautanga’, me te tūhura i a ‘Ako - principles, approaches, and high-quality teaching practices to support learning’ (Te Anga o Ako).'
I a mātou e titiro whakamua nei ki ngā Tautoko Rā Kaiako 3 me te 4, ka tīmata tā mātou tūhura i a Aromatawai, me pēhea hoki e tautoko ai i ngā marau ā-kura.
Te Whakahou i te Marautanga o AotearoaKo Te Tīrewa Marautanga te whakahoutanga o Te Marautanga o Aotearoa. Ka wātea ai te whakahoahoatanga anō o Te Marautanga o Aotearoa ki ngā kura hei whakamahi atu i te tau 2025, me te whakatinanatanga katoatanga ā te tau 2027.
Te Takanga o te WāKo Te Takanga o te Wā (hononga ā-waho) te ihirangi marautanga kōrero tuku iho i whakawhanaketia hei whakaata i te aronga o te whakahoahoatanga anō o TMOA, ā, ka tīmata te whakaako i te tīmatanga o 2023.
Te Reo Matatini me te PāngarauKo Hei Raukura Mō Te Mokopuna te rautaki e taea ai e ngā kura te whakamahi hei whakapakari te reo matatini me te pāngarau puta noa i ngā ara ako reo Māori.
AromatawaiKo Te Puāwaitanga Harakeke te whakahoutanga o Rukuhia Rarangahia koinei te tūāpapa o te aromatawai.
Te Marautanga o Aotearoa me ngā Panonitanga NCEAKua whakaritea e mātou ētahi rauemi hei tautoko i ngā kura me ā rātou Rā Kaiako Anake mō te tau. Ko te aronga nui mō tēnei tau he whakapakari i te taha WHAKAAKO a te kaiako.
Use this search bar to search within the entire Kaupapa. You will be taken to the main site search.
Changes to the New Zealand Curriculum