He aha te rauemi?

He pakimaero nā Hayden Tūroa nō Ngāti Patutokotoko ki Whanganui mō te haerenga o Kīngi Tāwhiao rātou ko Wiremu Te Pātara Te Tuhi, Wiremu Te Mōrehu Maipapa Te Wheoro, Tōpia Peehi Tūroa, Hori Ropiha me tō rātou kaiwhakapākeha a George Skidmore, ki Rānana i te tau 1884.

He hoaketanga kawe petihana ki te aroaro tonu i a Kuīni Wikitoria mō ngā mahi raupatu whenua a āna turupa ki Aotearoa heoti, auare ake. Kāore a Kūini Wikitōria i paku aro ki ngā Māori i tō rātou taenga atu ki Ingarangi.

Hei aha koa, e whakahira ana te pakimaero nei i ngā hua nui me ngā wheako hou i puta mai i tō rātou haerenga pērā i…

• Ngā mahi tōrangapū o taua wā
• Ngā whakaritenga mō te haerenga
• Te haerenga atu i Aotearoa ki Ingarangi mā Ahitereiria me Itāria
• Ko te rārangi wā me ngā kaupapa i whai wāhi atu ai rātou nō rātou i Rānana
• Te ‘Carte de Visite’
• Tōpia Peehi Tūroa e māuiui ana ki Rānana
• Te hononga i waenga i a Pōrangahau me Whanganui
• Ngā taumau
• Te hokinga mai ki Aotearoa