Whakatupuranga 2

He whakataki

Kei te akomanga. Kua ako ngā ākonga mō ngā tāuru me ngā tāputa o te pūnaha me te maha o ngā momo taupānga i runga ipurangi pērā i te ClassFlow, te Kahoot me te Waihanga Waehere QR. 

Kei te mārama rātou ka tāuru raraunga te tangata ki roto ki ēnei taupānga, ka panoni ngā taupānga i te raraunga ki te waehere tāhūrua kia mārama te rorohiko kātahi ka whakaputaina e te rorohiko tētahi putanga, tētahi huanga/hua rānei.

Tā tēnei mahi e whakaatu ana

Mā tā rāua waihanga i tetahi waehere QR Kaihamu Kimi Meka, arā, te Scavenger Hunt i runga ipurangi e whakaatu ana a Bobbi rāua ko Enoka e taea e rāua:

▪ te rapu me te kimi i ngā mōhiohio hāngai ki te kōrero i runga ipurangi

▪ te āta whakamahi i te whānuitanga o ngā momo taupānga, me ngā momo kōnae mō ētahi tino take

▪ te mārama kua mōhio ki hea ngā kōrero hei tikiake, me pēhea hoki te tiki anō

▪ te mārama ki ngā tāuru me ngā tāputa o pūnaha kē

▪ te whakamātau, te tuari me te whakaatu kōrero he ngāwari te whakauru mā ētahi atu mā te whakamahi pūrere matihiko.

Hangarau Matihiko

Mēnā ka hoatu tohutohu/paearu me ngā utauta/āhuatanga rānei ka whakatau tikanga (ā-takitahi te nuinga) mō te waihanga, te raweke, te pupuri, te tiki, te tuari, me te whakamātau hoki/rānei i te kōrero (i whakahiatohia mō tētahi take motuhake) i roto i tētahi pūnaha tūturu. Tae atu ki:

▪ te mārama ki te mahi ake o tēnā, o tēnā wāhanga o te tāuru taketake, te tukanga, te pūnaha tāputa me te mahinga ngātahi ō ēnei wāhanga.

▪ te mārama he mea whakaumu ngā tāuru hei tāputa i roto i tētahi pūnaha tūturu me te kawenga ‘whakamatua’ a te tangata.

▪ te āta whakamahi i te whanuitanga o ngā taupānga (momo pūmanawa, momo kōnae hoki)

Ngā momo tikanga

▪ Mātua whakarite kia rahi ake te waehere QR kia pai ai te karapa.

▪ Mātua whakarite kia nui te wāhi mā e karapoti ana i te waehere QR.

▪ Tirohia ō waehere QR i mua i te tānga, ki te tiro mēnā kei te tika, ā, kia tika hoki te raupapa.

Ka whakatau tikanga mō te waihanga, te raweke, te pupuri, te tiki, te tuari, me te whakamātau rānei i te kōrero o tētahi pūnaha tūturu.

Kei tēnei tupuranga:

▪ Ka mārama he mea tipu, he mea panoni hoki te pūrere i roto i te huringa o te wā, ā, he awenga/pānga anō tōna ki te tangata/porihanga.

▪ Ka mārama ki te mahi ake o tēnā, o tēnā wāhanga o te tāuru taketake, te tukanga, te pūnaha tāputa me te mahinga ngātahi ō ēnei wāhanga.

▪ Ka mārama he mea whakaumu ngā tāuru hei tāputa i roto i tētahi pūnaha tūturu me te kawenga ‘whakamatua’ a te tangata.

▪ Ka āta whakamahi i te whanuitanga o ngā taupānga  (momo pūmanawa, momo kōnae hoki)

Whāinga

Te hanga pātai mō te rapu mōhiohio mō tētahi take.
Te waihanga patapatai mā te whakamahi taupānga taketake. 
Whakahaerehia he patapatai me ō hoa.

Putanga ako

Ka taea e te ākonga:

▪ te hoatu kōrero atu ki te kaupapa tiaki i te iPapa/papahiko e ohia manomanotia nei

Paearu angitu

Ka angitu te ākonga mēnā ka taea e ia:

▪ te hanga ohia manomano mō te tiaki pai i te iPapa, tētahi atu momo papahiko rānei

▪ te hanga i ngā ture ā-akomanga mō te whakamahi iPapa/papahiko.

Hononga i te Marautanga

Wāhanga Ako: Tikanga ā iwi     Whenu: Ngā Mahinga Ohaoha Taumata: 5

Whāinga:

Ka whakamārama i te papātanga o ngā whakataunga ohaoha ki runga i te tangata, te hapori me te whenua.

He Tauira Ngohe:

Whakamāramatia mai ngā papātanga ohaoha ki te iwi Māori i runga i te rironga o ngā whenua. Tukuna atu te tuhinga rangahau a te ākonga ki tētahi paetukutuku. Waihangatia he waehere QR ki te whakaatu mai i ngā pātai, tētahi mō te wāhitau tukutuku (kei reira ngā tuhinga o te ākonga) me tētahi anō hei whakaatu mai i ngā whakautu. 

Te Ngohe

He mahi takirua, ā, ka tonoa ngā ākonga ki te waihanga hōpanga me ngā pātai 10 neke atu rānei mō te marae o Hiruharama ki Ngāti Porou, te iwi, te hapū, te rohe hoki/rānei ka toroa e rātou hei te mutunga o te wāhanga tau ā-kura.

Kei ngā ākonga te tikanga ki te whakamahi i ngā taupānga e mōhiotia ana pērā i te Classflow, te Kahoot me tētahi papatono whakaputa waehere QR hei waihanga i tā rātou huanga matihiko. Kātahi ka whakautu ngā ākonga i ngā hōpanga a ō rātou hoa.

Rerenga pātai

He aha …?
What? 

He aha i … ai?
Why?

Nā te aha ai i …?
Why? 

Ko wai?
Who? 

Kei whea?
Where? 

E hia?
How many? 

Tokohia?
How many (people)?

Kupu hou

tāuru – input 

kōnae – file 

kōpaki – folder 

tāputa – output 

tahua – menu 

tāhūrua – binary 

tikiake – download 

waehere QR – QR code 

wāhitau tukutuku – URL

Rauemi

• Rorohiko/rorohiko pōnaho/iPapa/papamahi
• Papamā pāhekoheko/Papamā
• Classflow, https://classflow.com
• Kahoot, https://kahoot.com/welcomeback/
• QR Code Generator, http://www.qr-code-generator.com
• Papa tuhituhi (he pepa nui rānei)
• Pene, pine

Aromatawai

Ka taea e ngā ākonga te:

▪ whakahiato i ngā pātai rangahau me ngā pātai taketake

▪ rapu me te tohu i ngā momo mōhiohio ipurangi

▪ tuari i te patapatai ki tētahi iPapa/papamahi 

Raupapa mahi

Tūmahi 1: Tūmahi Matihiko

Me mahi takirua ngā ākonga, kātahi ka hanga patapatai me ōna pātai tekau e pā ana ki te marae o Hiruharama ki Ngāti Porou, te iwi tonu, te hapū me te rohe hoki e haere nei rātou ki te tirotiro i te pito o tēnei wāhanga tau ā-kura. Kei ngā ākonga te tikanga ko ēhea taupānga ka whakamahia, mai i te ClassFlow, te Kahoot me te Waihanga Waehere QR ki te hanga i ā rātou tāputa matihiko. Kātahi ka noho ngā ākonga ki te whakautu i ā rātou ake patapatai.

Tīmatanga

Kōrerotia ngā whāinga ka matapaki i te tūmahi nei. Pānuihia ngā paearu angitu

Pātai Rangahau, Rapu Ipurangi, Pātai Panga

Ka tuhi/hoatu te kaiako i ngā tauira pātai hei matapaki i ngā pūtaketanga.

▪ Ka mahi takirua ngā ākonga ki te tuku pātai ki a rāua anō mā te whakamahi i ngā tauira pātai.

▪ Hangaia, whakaahuatia mai kia toru ngā pātai rangahau.

▪ Tīpakohia ngā kupu rapu kei ngā pātai i tautohutia.

▪ Tuarihia ngā pātai me te kaiako mō ngā kōrero urupare. 

Ka mahi takirua ngā ākonga, ā, ka whakamahi i te ipurangi ki te rapu mōhiohio mai i ngā paetukutuku e tika ana. 

▪ Te tautohu paetukutuku, te tiaki URL hei tohutoro

▪ Te pānui me te pānui anō i ngā paetukutuku kua tohua

▪ Te tuari i ngā meka mīharo

▪ Te tuhi kia waru ngā pātai neke atu rānei mō tētahi patapatai. 

Waihanga

Mahi takirua, ka whakarite, ka whakaae ngā ākonga ko tēhea taupānga ka whakamahia e rāua ki te hanga i te patapatai. 
Ka whai rātou i te hātepe mō te tāuru raraunga ki te pūnaha. 
Hangaia he patapatai 
Whakamātauhia, ka tuku ki te akomanga

Katinga

Tirohia anō ngā whāinga me ngā paearu angitu. 
Pātaihia ngā ākonga he aha:

▪ tētahi mahi i akona e koe

▪ tētahi mahi uaua

▪ tētahi mahi tino pai

▪ tētahi mea i pā i te tirohanga a ō hoa ki te patapatai.

Tā te ākonga

Ka whakatau a Bobbi raua ko Enoka ki te whakamahi i te Whakaputa Waehere QR ki te waihanga i tētahi rapunga kaihamu kimi meka i runga ipurangi mō te marae o Ngāti Porou, a Hiruhārama me te rohe. Ka tīmata te ngohe mā te whakaaro me te tuhi i ngā pātai rangahau whānui hei tīmata i tā rāua rapunga ipurangi mō tēnei iwi me te marae.