Ngohe taunaki i te taupānga pāhekoheko
|
Te Wāhanga o TmoA |
Te Whenu Whāinga Paetae |
Kawenga mā te kaiako |
Tūmahi mā ngā ākonga |
|
Hauora
Hononga: Pāngarau Ngā Toi Tikanga ā-iwi Te Reo |
Tangata Whanaungatanga
Ka whakamahi i ngā āhuatanga katoa o te reo me te tinana hei whakatau tika i ngā take, hei whakawhitiwhiti whakaaro, kare ā-roto, me te mōhiohio. |
Tirikawa
Kia toka tū moana ahakoa ngā piki me ngā heke o te wā. Kia mau whiwhia ki ngā taonga tuku iho. Kēmu: Kōruru
Rauemi: Kia 5 ngā kōhatu pērā i te nui o te rua tāra
Tohutohu: Whakaritea ngā kōhatu hei Tirikawa tōriki. Kōrerohia ngā ture, te whāinga, ngā hua me ngā akoranga o te kēmu. Whakatauiratia ake te raupapatanga me ngā kupu mō ia nekehanga pērā i te, whiua, hopukina, tā…
Tukuna rātou kia tākaro!
|
Mahi ā-rōpū (Kaua e nui ake i te tokotoru mō tēnei kēmu.)
Whāinga: Kia oti pai ngā raupapatanga kōruru ka hoatu rā e te kaiako Hua: te mahi tahi, kia raka ngā ringa me ngā karu, kia mānawanawa, kia manawanui, kia wawe te tautohe. Akoranga: He rite ngā kōhatu kōruru ki a Tirikawa. Ahakoa ngā whiunga, ngā tukihanga, ngā karawhiunga,
|
|
Tikanga ā-Iwi
Hononga: Te Reo: (ā-waha) Hauora Ngā Toi
|
Te Wāhi me Te Taiao
Ka whakamārama i ngā whakaawenga o ngā tūāhua o mua i ngā hononga i roto, i waenga hoki, i te rōpū, me te haere tonu o ēnei whakaawenga |
Karoro
Kia raungāwari, kia wawe te urutau i ngā āhuatanga o te wā
Kēmu: Manu Tī
Rauemi: He raukura me te tīpare mō ia ākonga
Tohutohu: Kōrerohia ngā ture, te whāinga, ngā hua me ngā akoranga o te kēmu. Hauruatia te akomanga, whakarārangihia kia rua ngā rārangi e anga whakaroto ana. Whakatauiratia ake me pēwhea.
Tukuna rātou kia tākaro
|
Mahi ā-rōpū: Takirua
Whāinga: Kia kapohia te raukura mai i te tīpare o tō hoa engari me kaua e neke ngā waewae, me pakiaka. Hua: Whakapakaritia te hikohiko o te tinana, te aroā mokowā, te pānui i te tinana o tō hoa. Akoranga: Kia raungāwari pērā i te karoro, kia wawe te urutau i ngā whiunga o te wā.
|
|
Te Reo
Hononga: Ngā Toi Tikanga ā-iwi Hauora |
Ā-Waha, Ā-Tā, Ā-Tinana
Ka whakamahi i ngā āhuatanga katoa o te reo me te tinana hei whakatau tika i ngā take, hei whakawhitiwhiti whakaaro, kare ā-roto, me te mōhiohio. |
Kawau
Mā te tirohanga whānui e pai ai te whakaemi raraunga me te whakamahere rautaki.
Kēmu: Tī Uru
Rauemi: ārai poho, kōeke whāriki, tī kouka/poi/pōro
Tohutohu: Kōrerohia ngā ture, te whāinga, ngā hua me ngā akoranga o te kēmu. Whakaatuhia te ataata mehemea kei te rangirua tonu ētehi. Karawhiua te pōro i te tuatahi kia waia ai ngā ākonga ki ngā ture o te kēmu. Wepua!
|
Mahi ā-rōpū 6 x kaitākaro 3 x kaitākaro ki ia tīma
Whāinga: Kia nui ake ngā piro mā te tango i ngā whāriki. Tirohia te hononga mō ngā tauira Hua: whakaaro rautaki, kia raka ngā ringa me ngā karu, whanaungatanga, te aroā mokowā, kia taurite te tinana. Akoranga: Kia whakamahere rautaki, kia huritao, kia whakaemi raraunga . |
|
Hangarau
Hononga: Te Reo: (ā-waha) Pūtaiao Pāngarau
|
Te Whakaharatau Hangarau
Ka rangahau, ka whakahiato i ōna hiahia hei mahere. Ka whakaarohia ēnei: • he hātepe; • ngā mātāpono; • ngā momo rawa. 3. Ka whakamātau, ka aromātai i te otinga I runga anō i te āhua o: • te hiahia, te huarahi wātea rānei; • ngā rawa kua whakamahia; • ngā mātāpono.
|
Haere ki te tōnga o te rā
Whāia te mātauranga me te māramatanga. Kaua e mataku ki te titiro ki waho.
Kēmu: Kī-o-rahi
Rauemi: 1 x tupu, 7 x pou, pōro/kī, whīra, pou whenua
Tohutohu: Kōrerohia ngā ture, te whāinga, ngā hua me ngā akoranga o te kēmu. Whakaatuhia te ataata mehemea kei te rangirua tonu ētehi. Karawhiua te pōro i te tuatahi kia waia ai ngā ākonga ki ngā ture o te kēmu. Wepua! |
Mahi ā-rōpū –
Whāinga: Kia nui ake ngā piro mā te pā i ngā pou mā te kī/pōro me te tupu. Tirohia te hononga mō ngā tauira. Hua: whakapakari tinana, whakawhiti kōrero, mahi tahi, kia raka te mauī me te katau, te karo, te whiu me te kuru i te pōro, whakawhanaungatanga, pūkenga rautaki, Akoranga: Kimihia, rangahaua ngā pūkenga, ngā pūmanawa o tēnā hoa, o tēnā hoa i tō tīma. Whakawhiti whakaaro me ngā mātauranga ki waenga i a koutou kia puāwai mai ai he rautaki toa. |