Kati
Te Taero a Kereopa

Te Taero a Kereopa

He Kōrero mō Kupe nō Te Tauihu o te Waka o Māui

He tirowhānui

E kōrero ana a Te Taero a Kereopa mō ngā mahi i whai i muri i tā Kupe whakamate i Te Wheke a Muturangi, i muri i tētahi whai nui rawa, whakawhiti mai i Te Moananui-a-Kiwa, huri noa i te takutai o Aotearoa. I tere a Kupe me ōna kaumoana ki roto i ngā koko me ngā korou i Te Tauihu o te Waka, ka whakapau wā ki te tapi i te waka me te rapu ō mō te hokinga atu ki Hawaiki. Heoi, i hiahia te tokorua nei o ōna kaumoana, a Pani rāua ko Kereopa, ki te noho i Aotearoa, ā, ka kakai ki te whana. I whakamaharatia ā rāua mahi nanakia ki ngā tohuwhenua puta noa i te rohe. Kotahi o ēnei ko Te Taero a Kereopa – te toka e tū ana i waho o te takutai o Whakatū.

Ka whai wāhi ki tēnei rauemi tētahi pukapuka (he mea tā) me ēnei tuhipoka tautoko tuihono.

Te pukapuka

Kua kōrerotia anō tēnei kōrero ngangahau e Keri rāua ko Nuki Tākao. E tino arotau ana te tātaitanga o ngā pikitia hihiri nā Zak Waipara ki te rerenga tere o te kōrero, me te aha ka pāhekoheko mārika ki ngā kupu ki te whakawana i te kōrero ki te kaipānui. 

Ka taea te tono i Te Taero a Kereopa i Down the Back of the Chair mā te hoatu i te nama take XXXXXX.

Te Marautanga o Aotearoa

Kua hoahoa te rauemi hei whakamahi i ngā akomanga teina ki te tautoko i te whakaako me te ako i te Hītori Māori me te reo Māori. Ka kitea anō hoki ngā hono mārō ki te Pūtaiao me ngā Tikanga ā-Iwi. Ka whakarewa pea tēnei kōrero i te tūhurahuratanga o ngā taiao me ngā pūrākau puta noa i Aotearoa.

E whakarato whāinga wāhi ana ki te:

  • hanga hononga ki ngā iwi me te taiao
  • torotoro i ngā āhua e whakamārama ai te Māori i te ao tūturu
  • ako kupu e tauwhāiti ana ki Te Tauihu o te Waka me tōna taiao
  • tūhurahura pūrākau i tōu ake rohe
  • tūhurahura i ētahi atu kōrero mō Kupe i ērā atu wāhi o Aotearoa
  • torotoro i ngā āhua e whakamahuki ana te tangata i ngā tītohunga māori
  • rangahau i te pūwhenuatanga o nehe o tō rohe me ngā mea ka whakamanea i a rātou ki te pūwhenua i reira
  • tūhurahura i ngā takotoranga whenua paetata me ngā whakapapa o ērā
  • tuhi kōrero mō ngā taiao, tohu whenua rānei i tō rohe
  • hanga hono ki ētahi atu wāhi ako, pērā i te Pūtaiao me ngā Tikanga ā-Iwi.

Ngā hono ki ngā wāhi ako

Pūtaiao

Papatūānuku me Tua Atu – Taumata 2

Ngā pūnaha o Papatūānuku

Mā ngā ākonga e tūhura e whakaahua ngā āhuahira me ngā rauemi aotūroa.

Ngā pūnaha pāhekoheko

Mā ngā ākonga e whakaahua he pēhea te huri o ngā āhuatanga tūturu me ngā rawa e ngā tūponotanga taiao me ngā mahi a te tangata.

                               

Papatūānuku me Tua Atu – Taumata 3

Ngā pūnaha o Papatūānuku

Mā ngā ākonga e mōhio ka whai wāhi ki tō tātou amiorangi te wai, te hau takiwā, ngā toka me te oneone, me ngā momo koiora katoa, ā, ka āhukahuka ko ngā rawa ēnei o Papatūānuku.

Ngā pūnaha pāhekoheko

Mā ngā ākonga e tūhura te hurihanga wai me ōna pānga ki te āhuarangi, ngā takotoranga whenua, me te ora.

 

Ngā Tikanga ā-Iwi

Taumata 2

Ka whiwhi mōhiotanga, pūkenga, wheako hoki ngā ākonga ki te:

  • Noho mārama ki ngā āhua e whakaata ai, e whakapuaki ai ngā ritenga ahurea i ngā tikanga me ngā uara.
  • Noho mārama ka pēhea ngā wāhi e whakaaweawe ai i ngā tāngata, hurihia rānei.
Taumata 3

Ka whiwhi mōhiotanga, pūkenga, wheako hoki ngā ākonga ki te:

  • Noho mārama ki ngā āhua e rerekē ai tā te tangata tiro me te whakamahi i ngā wāhi.
  • Noho mārama ki ngā āhua e rerekē ai tā te tangata whakamahara me te whakapūkete i ngā mahi o mua.