Kati
thumb Ka Tiritiri
Te Rangitaki Ataata a Ngātai mō ana Hararei Ataata

Te Rangitaki Ataata a Ngātai mō ana Hararei

Kā Tiritiri o te Moana

Video Transcript
Kia ora tātou.

I toro au i tōku marae, i Te Tauraka Waka a Māui.
Āe, i tika tō rongo – a Māui, tuahangata o Te Moana-nui-a-Kiwa.

Kei Maitahi Te Tauraka Waka a Māui, i Poutini ki te Toka.
Koia te wāhi tuatahi i ū ai te waka o Māui i a ia ka tau mai ki Aotearoa

Anei, ko Māui tēnei.
Ko ēnei whakairo me ēnei tukutuku e whakaahua ana i ngā kōrero o te rohe nei
Ā, e whai ake nei te kōrero mō te pūtakenga o te ingoa nei, o Kā Tiritiri o te Moana.

I ngā rā o nehe noa atu, ka rewa te waka o Māui me ana kaumoana i Hawaiki.
Ka tīmata tā rātou tere haere i Te Moana-nui-a-Kiwa.
Nāwai ā, ka makariri haere te wai, ka roa haere anō ngā rā.

I tētahi rangi, kua tītaha te rā, ka hāparangi te waha o tētahi o ngā kaumoana a Māui,
“He whenua! He whenua!”

Ka titiro te katoa ki te tūāpae. Engari ka rūrū noa te māhunga o Māui.
“Ko ka tiritiri o te moana kē …”

Heoi anō, nō rātou ka whakatata mai, ka tū atu ngā maunga rahi, he mea kākahu anō ki te hukarere, i mua tonu i a rātou. Ka kite a Māui i te hē o tana kōrero.

Engari mai i taua wā, kua mau tonu tērā hei ingoa mō Kā tiritiri o te moana.

He kōrero tēnei nā Kāi Tahu, nō Poutini ki te Toka.
hills
Rauemi tūhono