Kati
TOD #1

Te Tīrewa

He ara whaitake te tīrewa kia whakaarohia anō Te Marautanga o Aotearoa hei pou tarāwaho e iri ai te ako atu, te ako mai, kia whakamahia hoki e ngā kura te tārai, te waihanga me te whakaata i tō rātou ake horopaki.

He pou tarāwaho marohi te tīrewa mō te marau ā-motu, e whakamahia ai hei ārahi te whanaketanga o tō marau ā-kura. Ko tā te tīrewa he whakarato i te hononga ā-hanga, ā-mahinga ki waenga i ngā wae matua o te marau ā-motu: 

  • He pou tāhu te Marautanga Tīrewa, e whakakanohi ana i ngā kaupapa here marautanga tūāpapa.
  • Ko ngā pou e whā, e whakaata ana i Te Tamaiti Hei Raukura.
  • Te Tīrewa Ako, pērā ki ngā kaho whakawhiti e whakakanohi ana i ngā akoranga pū kia kaua rawa e mahue ka tūpono.
  • Te Tīrewa Mātai, pērā ki ngā kaho whītiki e whāki ana i te tino o ngā aroturuki ā rohe, ā-motu ia te wā; e takoha ana ki te taunakitanga o te kauneke me te whakatutukinga o te ākonga.

Whāia te hononga ki te whakarongo ki a Hineihaea Murphy e matapaki ana i te Marautanga Tīrewa me te Tīrewa Ako i Te Takanga o te Wā.

Ka whakamāramatia e ēnei pānui ngā āhuatanga mātuatua o te pou tarāwaho tīrewa, ka whakatakina hoki te tīrewa ako.

Re-envisioning Te Marautanga o Aotearoa

  • Web-ready-MLR2201_Tirewa-English_FA.pdf
  • 1.2 MB
He tirohanga hou ki Te Marautanga o Aotearoa

  • Web-ready-MLR2201_Tirewa-Maori_FA.pdf
  • 1.2 MB

Ka whānuitia ake te tūhuratanga o te tīrewa e te Pepa Tūnga He Tamaiti Hei Raukura.

Te Tamaiti Hei Raukura Position Paper

  • Te-Tamaiti-Raukura-Position-Paper_FA-1.pdf
  • 5.7 MB
  • Tirohia ngā whārangi 24 – 27 akona ētahi atu āhua o Te Marautanga Tīrewa me te Tīrewa Ako.
  • Tirohia te whārangi 38 akona ētahi atu āhua o ngā kaupae e whai ake nei.

I te matapakinga o te whakahoahoatanga anō, o te hanganga hoki o te tīrewa, me te tikanga o ēnei ki tō kura, ki ō kaiako hoki, whakaarohia ngā pātai i raro nei, whakawhanaketia rānei ō ake pātai hei tūhura i Te Tamaiti Hei Raukura hei pou tarāwaho mā tō marau ā-kura.

  • (Me pēhea te hononga o tō marau ā-kura ki te marau ā-motu?)
  • (He aha pea te āhua o tētahi tīrewa e whakaahua ana i tō marau ā-kura – he aha tana āhua, he aha hoki ōna wāhanga me ōna hononga matua?)
  • Me pēhea te noho o ngā kaupapa ako o tō whānau kura i te pou tarāwaho tīrewa?
  • Me pēhea te hononga o tō marau ā-kura ki te marau ā-motu?
  • He pēhea te āhua o tētahi tīrewa e whakaahua ana i tō marau ā-kura – he aha tōna āhua, he aha hoki ōna wāhanga me ōna hononga matua?
Kaupapa Kōrero (Mō te wāhi ki te pou) #1

  • Kaupapa-Korero-Mo-te-wahi-ki-te-pou.pdf
  • 19 KB

Mō te wāhi ki te pou Te Tamaiti Hei Raukura: 

  • He aha ngā ōritetanga, he aha hoki ngā rerekētanga i tō marau ā-kura me Te Tamaiti Hei Raukura?
  • He pēhea tō marau ā-kura, ngā wāhanga rānei o tērā, e whakaata mai ai i ia pou o ngā pou e whā?
  • Me pēhea te tuitui haere i ngā pou e whā ki roto ki tō marau ā-kura?
  • He aha te momo tautoko ka hiahiatia e koe kia whakamanahia ai ngā rerekētanga? 
Kaupapa Kōrero (Mō te wāhi ki te pou) #2

  • Copy-of-Kaupapa-Korero-Mo-te-wahi-ki-te-pou.pdf
  • 19 KB
  • Ngā ataata hei tautoko wānanga.

Mō ētahi atu mōhiohio me haere ki tā mātou whārangi Te Whakahou i Te Marautanga o Aotearoa | Kauwhata Reo

Tēnā, tuarihia te katoa o ngā urupare kia taea ai e mātou te whakapai ake ngā ihirangi ka whakawāteahia ai mō te Rā Kaiako-Anake e whai ake nei tukuna ki TeReo.MaoriGroup@education.govt.nz