Ngohe taunaki i te taupānga
Ngohe taunaki i te taupānga
Ngohe taunaki i te taupānga
|
Te Wāhanga o TmoA |
Te Whenu Whāinga Paetae |
Kawenga mā te kaiako |
Tūmahi mā ngā ākonga |
|
Pūtaiao
Hononga: Te Reo: (ā-waha) Hauora Hangarau
|
Ō Ahupūngao
Te Tōpana me te Nekenga
Ka tūhura kia mārama haere ki te tōpana, te tere, te wā, te ānga, te pūngao neke me te pūngao moe, me te pūmau o te pūngao e hāngai ana
|
Te Waka Hourua
Ngohe: Mātakitakina ngā pakipūmeka e toru o Hekenukumai Busby me te rerenga mai o Kupe mā ngā kāhui whetū ki Aotearoa. Mutunga kē mai nei o te tino mīharo rawa atu. He matapihi ki te haerenga mai o Nukutawhiti ki Hokianga. Pāwhiri te hononga o raro iho nei…
Whakaritea ētehi pātai hei whakautu mā ngā ākonga, whiriwhiria ētehi kaupapa hei āta matapakihia mā koutou. Anei ētahi tauira pātai hei māhirahira mā ngā ākonga. |
Mahi ā-rōpū
Tū Mahi: Āta whakarongo, āta titiro, āta matapakihia, whakautua ngā pātai Whāinga: Ka mārama haere ki… Ngā tikanga taki karakia ki rō ngahere, ngā tikanga mō te tope rākau me te tārai waka, te whakatere waka, te pānui i ngā whetū me te moana, ngā hononga i waenga i ngā moutere o Poronēhia, ngā mōteatea, te tāmoko, te whakapono, te mahi tahi,
|
|
Pāngarau
Hononga: Te Reo: (ā-waha) Pūtaiao Tikanga ā-iwi Hauora |
Te Wāhi me te Ahunga
Ka whakaatu, ka whakamārama, ka whakamahi i te wāhi noho (taunga) o tētahi mea, me te ahunga: • ngā tōpito; • ngā koki o te kāpehu; • ngā āhuatanga o te taiao; • te tukutuku (takirua raupapa); • te mahere.
|
Kāpehu Whetū
Ngohe: Kia maharatia ētehi wāhanga o te kāpehu whetū pērā i ngā kaiurungi o ngā waka hourua. Rauemi: Kāpehu Whetū
Tohutohu: Whai i ngā tohutohu i te hononga o runga ake nei
|
Mahi takitahi
Tū mahi: Whakamaharatia kia 28 ngā whetū ā, ka mahuta ake, ka tau iho rā hoki ngā whetū mai i tēwhea whare o te kāpehu whetū. Akoranga: Ko te pūkenga nui o te kaiurungi, ko tōna pūmahara kia mōhio ai e ahu ana ki whea |
|
Tikanga ā-Iwi
Hononga: Te Reo: (ā-waha) Pūtaiao Hauora |
Te Wāhi me te Taiao
Ka whakamārama i ngā take e neke haere ai te tangata ki wāhi kē, me ngā putanga iho o ēnei nekehanga ki te tangata me te wāhi. |
Karakia / Mōteatea / Whakataukī
Hei whakaū i ngā kōrero tuku iho mō te haerenga mai o Nukutawhiti ki Hokianga, kimihia, rangahaua, whakaakona he karakia, he mōteatea me tētehi whakataukī ā-iwi rerekē. Māu rānei e tito i ētehi.
Hei tauira: Whakataukī: ‘Ko te tai i whakakīa e Marutawhiti’
|
Mahi ā-rōpū:
Whāinga: Akona he karakia, he mōteatea, he whakataukī e hāngai pū ana ki te haerenga mai o Nukutawhiti ki Hokianga hei whakaū i ngā kōrero.
|
|
Hangarau
Hononga: Tikanga ā-iwi Pūtaiao Ngā Mahi Toi |
Te Whakaharatau Hangarau
Ka whakamātau, ka aromātai i te hoahoa. Ka kōwhiritia tētahi huarahi kia tika rawa.
Ka whakamahia he mahere, ka whakamātauria kia kitea: • te whanaketanga; • te tōtika o te mahi |
Waka
Ngohe: Hanga Waka
Rauemi: Kōhiwi x 2 Toati x 3 Maihi x2 Kaupapa x 1 Whare x1 Pepa x1 Kāpia x1 Kutikuti x 1
Tauira: Me pēhea te hanga waka
|
Mahi takitahi
Tū mahi: Hangaia mai he waka e mānu pai ai ki runga i te wai.
Tauira: Me pēhea te hanga waka
Whāinga: Ka whakawhanake pūkenga whakamātau me te aromātai i te hoahoa kia tōtika te mahi |