Te Pātaka Ngohe
Kaupae Tuatahi
AS91698 1.1 Te Reo Puoro
Kia whakarite whakaaturanga mō tētahi toi puoro taketake. Ka aromatawaingia te tūhura i te toi puoro taketake i kōwhiria me te tautohu i ōna āhuatanga.
AS91698 1.1 He whakaharatau pūkenga puoro
Kia whakarite whakaaturanga e hāngai ana ki tētahi take o te wā mā ngā toi puoro taketake. Ka aromatawaingia te tūhura, te whakamahi hoki i ngā pūkenga toi taketake hei whakaatu i ngā āhuatanga o te take i kōwhiria.
AS91699 1.2 He Aha Rānei te Momo?
Kia whakarite whakaaturanga mō ngā huānga o tētahi momo toi puoro. Ka aromatawaingia te tūhura i te momo toi puoro me tāu tautohu i ōna huānga toi.
AS91699 1.2 He puoro mō te kapa haka
Kia tito waiata mō tētahi kapa. He mahi ā-rōpū tēnei. Ka aromatawaingia te raweke i te tūhura me te whakamahi i ngā huānga toi taketake e hāngai ana ki te kaupapa.
AS91700 1.3 Hari Huritau!
Kia tito waiata mō te huritau toru tekau o te reo irirangi ā-iwi o tētahi rohe. Ka aromatawaingia te māramatanga me te ahei ki te whakamahi i ngā tukanga toi taketake puoro hei whakarite atu i tāu/tā koutou waiata.
AS91700 1.3 He kōrero tuku iho
Kia whakarite i tētahi papa paki hei kauhau atu ki te akomanga i tētahi kōrero tuku iho ā-iwi. Ka aromatawaingia te kauhau me te pakari ki te whakamāori, ki te whakaatu māramatanga ki ngā tukanga toi taketake me ngā kōrero i rangahaua.
AS91701 1.4 Waiata Mai
Kia tū ki te konohete o te kura ki te tuku i tētahi waiata motuhake. Ka mahi takirōpū ki te whakarite i tētahi waiata e hāngai ana ki tētahi take nui e kaha pā mai nei ki ngā taiohi o ēnei rā. Ka aromatawaingia te āhei ki te tito waiata e whakapuakina ai te kaupapa.
AS91701 1.4 He waiata mō te kapahaka
Kia tito waiata hei whakaarotanga mā te kaiako. He mahi ā-rōpū tēnei. Ka aromatawaingia te mārama me te āhei ki te tito puoro mō te waiata i kōwhiria ai e honohono haere ai i te puoro, ngā huānga puoro, ngā pūkenga puoro me ngā huānga ngoi kia whaitake ai te waiata.
AS91702 1.5 He Pātaka Waiata, He Pātaka Kōrero
Kia hopu i ētahi waiata hei kohinga waiata ā kura. Ka mahi takirōpū ki te kōwhiri, ki te hopu i tētahi waiata mā te mīhini hopu reo. Ka aromatawaingia te whakamahi i ngā hangarau matihiko hei hopu, hei whakarite i tētahi waiata mō te kōpae waiata.
AS91702 1.5 He waihanga puoro tuarongo matihiko
Kia waihanga puoro tuarongo matihiko (digital background music) mō tētahi rōpū kanikani e uru ana ki NZ’s Got Talent. Ka aromatawaingia te mōhio me te āhei ki te whakamahi hangarau matihiko hei whakawhanake i ētahi puoro tuarongo matihiko e tautoko ana, e whakaniko ana i te whakaaturanga me ngā ariā matua o roto.
AS91703 1.6 He Rauemi, He Taonga
Kia whakarite rauemi mō te whare pukapuka o te rohe e pā ana ki ngā taonga puoro a te iwi Māori. Ka aromatawaingia te āhei ki te waihanga rauemi e tautohu ana i ngā āhuatanga matua o te taonga puoro i kōwhiria.
AS91703 1.6 Ngā tino āhuatanga o te waiata
Kia whakarite whakaaturanga e tautohu ana i ngā tino āhuatanga o tētahi waiata ki roto i ngā mahi a Tānerore me Hinerēhia. Ka aromatawaingia te āhei ki te tautohu me te whakamārama i ngā āhuatanga matua kua tohua, ko te āhei anō hoki ki te whakamāori i aua āhuatanga ki roto i te whakaaturanga kia mārama ai te take e noho matua ana aua āhuatanga.
AS91704 1.7 Ma te Tuakana ka Tōtika te Teina
Kia waihanga ataata mō te whakapapa o tētahi toi puoro taketake hei rauemi mā ngā tēina o te kura. Ka aromatawaingia te āhei ki te waihanga ataata e whakamārama ana i ngā kōrero whakapapa o tētahi toi puoro taketake.
AS91704 1.7 He toi tipu, he toi ora
Kia whakarite kauhau e whakamārama ana i tētahi waiata ki roto i ngā wāhanga kapa haka. Ka aromatawaingia te whakamārama i te takenga mai o te kaupapa toi kua tohua, me te whakamāori i ngā pūkenga, ngā huānga, me ngā tukanga toi taketake e hāngai ana.
AS91705 1.8 He Kaituhi Haurongo
Kia tuhi haurongo e pā ana ki tētahi kaitoi puoro. Ka aromatawaingia te āhei ki te tuhi i tētahi haurongo e whakaaturia ana te reo toi puoro.
AS91705 1.8 Te tukuatu pāhotanga mataora
Kia whakarite i te pāhotanga e pā ana ki te kaiwhakapāoho anō, ā, ka āta whakarite i ngā kōrero. Ka aromatawaingia te āhei ki te whakamahi i te reo toi puoro hei whakamārama i te kaupapa.
Kaupae Tuarua
AS91744 2.1 Te whakarite whakaaturanga taonga puoro
Kia whakamātau i tētahi taonga puoro taketake. Ka aromatawaingia te whakamātau i te taonga puoro taketake i kōwhiria me te whakamārama i ngā āhuatanga i rangahaua.
AS91744 2.1 Te whāritetanga o te ao Māori
Kia whakarite titonga puoro (instrumental) e whakaatu ana i te whāritetanga o te ao Māori. Ka aromatawaingia te kounga o ngā pūkenga toi kua whakamātauhia kia waihanga mai i te kaupapa.
AS91745 2.2 Ngā huānga taonga puoro
Kia whakamātau i ngā huānga toi taonga puoro hei tātai atu ki tētahi kaupapa, hei whakaaturanga. Ka aromatawaingia te whakamātau i ngā huānga toi taonga puoro me te kaha ki te whakanikoniko i te whakaaturanga ki ngā huānga toi whakatangitangi taonga puoro.
AS91745 2.2 Mā te wāhi ngaro koe e arahi
Kia whakarite whakaaturanga poto e whakamāori ana i tētahi titonga waiata mā te whakamātau i ngā huānga toi o ngā toi puoro. Ka aromatawaingia te whakamahi i ngā huānga toi hei whakamāori i te titonga waiata kia kitea tonu i te kaupapa matua.
AS91746 2.3 Ngā oro puoro
Kia whakaatu māramatanga ki ngā oro puoro rerekē o te ao Māori hei whakaaturanga ki te akomanga. Ka aromatawaingia te whakamātau i ngā tukanga toi taonga puoro me te kaha ki te whakahāngai i ngā tukanga toi whakatangitangi taonga puoro ki ngā āhuatanga o tō tātou ao.
AS91746 2.3 Ko tā te Māori mahi, he whakanui
Kia whakarite, kia whakaatu titonga tōpū ki tētahi wāhanga o te pō tuku taonga o te kura. Ka aromatawaingia te hautaka me te titonga tōpū e hāngai ana ki te whakaaturanga. Ka whakamātau hoki i te tukanga toi puoro ki te tuhinga mō te pō tuku taonga.
AS91747 2.4 Ngā oro puoro
Kia whakaoti i tētahi mahi toi nō te ao onamata, nō tētahi iwi. Ka aromatawaingia te kaha ki te whakaoti mahi toi puoro, me te rere noa o ngā mahi i tōna tīmatanga ki tōna otinga. Ka whakaatu ai ki te akomanga.
AS91747 2.4 Huri te ao, huri te tikanga
Kia whakaoti i tētahi titonga puoro e whakaatu ai i tētahi o ngā tini tikanga puoro nō te wā o ō tātou mātua tūpuna. Ka aromatawaingia te titonga e ai ki te whakamāori o ngā huānga, ngā pūkenga me ngā tukanga toi nō te ao onamata.
AS91748 2.5 Te puoro kīnaki kiriata
Kia whakamahere, kia hanga i tētahi titonga puoro tōpū hei kīnaki i tētahi kiriata o tētahi iwi. Ka aromatawaingia te whakamāori i ngā pūkenga, ngā huānga me te tukanga puoro i roto i te titonga puoro me te mahere.
AS91749 2.6 Ko Māui kaitoi
Kia tuhi haurongo mō ngā mahi toi a tētahi kaitoi nō tētahi iwi taketake kē atu. Ka aromatawaingia te arotake i ngā āhuatanga motuhake e kitea ana i roto i ngā mahi a te kaitoi.
AS91749 2.6 Ko Whai kaitoi
Kia arotake i tētahi o ngā tino titonga e hāngai tika ana ki te kaupapa o tētahi hui. Ka aromatawaingia te arotake me ngā whakamāori i ngā titonga puoro e ai ki ngā pūkenga me ngā huānga toi puoro. Ka whakamārama mai hoki i te takune mai o te titonga.
AS91750 2.7 Tohea te tohe
Kia rangahau i ngā titonga waiata e kōkiri ana i te mautohe (protest) i roto i ngā tau, ā, ka waihanga whakaaturanga e whakataurite ana i ngā rerekētanga me ngā panonitanga i roto i ngā tau. Ka aromatawaingia te whakamāramatanga i ngā panonitanga o ngā waiata mautohe i te takanga o te wā.
AS91750 2.7 Whakataurite puoro
Kia whakarite whakaaturanga e whakataurite ana i tētahi momo puoro ki roto i ngā rautau. Ka aromatawaingia te kaha ki te whakamārama i ngā rerekētanga me ngā ōritenga o tētahi momo puoro kua rangahaua.
Kaupae Tuatoru
AS91860 3.1 Ka tata a runga, ka roa a raro
Kia āta tātari i tētahi whakaaturanga o ngā tikanga toi taketake o te puoro i ngā wā o mua e whaitake tonu ana ki ngā mahi o nāianei. Ka aromatawaingia te kaha ki te tātari i tētahi whakaaturanga o ngā tikanga toi taketake o te puoro me ngā kaupapa toitū ka hua mai hei ara tonu i te mahi toi puoro.
AS91860 3.1 Te ia o te kupu, te ia o te oro
Kia āta tātari i ngā mahi a tētahi kaipuoro i roto i tōna ao. Ka aromatawaingia te kaha ki te tātari i ngā tikanga toi taketake puoro, arā, ko ētahi o ngā kaupapa ka hua mai.
AS91861 3.2 Iho ake, panoni atu
Kia whakarite whakaaturanga kia rongo ai i te kōrero mō te panonitanga o ētahi huānga taketake o te toi puoro Māori o neherā tae noa ki ēnei rā. Ka aromatawaingia te whakaaturanga me te kounga o te arohaehae i ngā huānga toi puoro, te hāngaitanga o ngā tauira titonga puoro, te panonitanga me te tūturu tonutanga o ngā huānga ki roto i ngā tikanga toi taketake.
AS91861 3.2 Ka rere te wā, ka rere te oro
Kia whakarite i tētahi whakaaturanga e tātari ana i ngā panonitanga i roto i te ao puoro i roto i ngā tau. Ka aromatawaingia te kaha ki te tātari me te whakaatu mōhiotanga ki ngā panonitanga o te taha waiata o roto i ngā tau 1960.
AS91862 3.3 Mauri tū, mauri ora
Kia whakarite titonga puoro mō tētahi kaupapa e hāngai ana ki te horopaki o te oranga tangata. Ka aromatawaingia te āhei ki te whakaranu oro kia puta tētahi titonga puoro motuhake.
AS91863 3.4 He kokonga ngākau e kore e kitea
Kia rangahau i ngā whakaawenga o ngā waiata ki tētahi rōpū whakarongo. Ka aromatawaingia te āhei ki te tātari i ngā awenga ā-wairua, ā-tinana hoki o ētahi waiata ki tētahi rōpū whakarongo.
AS91863 3.4 Kōrero mai taonga puoro
Kia whakarite whakaaturanga e whakataurite ana i ngā titonga puoro e rua, ko tētahi nō te iwi Māori, ko tētahi atu nō iwi taketake kē, nō iwi kē atu rānei. Ka aromatawaingia te āhei ki te tātari i ngā awenga ā-wairua mai, ā-tinana mai o ētahi waiata.
AS91864 3.5 Te whakatau kirimana waiata
Kia rangahau i ngā tikanga o ngā kaupapa here puoro kia mārama ai te whakarite kirimana. Ka aromatawaingia te āhei ki te whakamārama i ngā kaupapa here, pērā i te mana whakairo hinengaro (IP), te manatārua, te tikanga whakamahi waiata tūmatanui, me te pānga o ēnei āhuatanga ki ngā waiata kua titoa e tētahi kura.
AS91864 3.5 Āku mana puoro
Kia rangahau i ngā kaupapa here mō te mana whakairo hinengaro (IP) e pā ana ki te mahi puoro, kia kore ai ngā waiata e whānakohia, kia kore ai e raru ina waiata tētahi i tētahi waiata o tangata kē, o rōpū kē. Ka aromatawaingia te āhei ki te whakamārama i ngā kaupapa here, ngā ture me ngā waeture pērā i te manatārua, te mana whakairo hinengaro, ngā tikanga