Kati

Te Pātaka Ngohe

Kaupae Tuatahi

thumb pangarau 320x180

AS91026 1.1 Te Tunu Parāoa Rēwena

Kia tātaitai i ngā hanga pāngarau o te mahi parāoa rēwena a te kuia hei whāngai i te manuhiri e noho ana ki tētahi marae. Kua tonoa kia haere ki te hoko puehu parāoa hei mahi māna. E rua ngā toa hei whiriwhiri, ko tēhea te mea he iti rawa te utu.

Pāwhiria

thumb pangarau 320x180

AS91026 1.1 Te Whakarite Hararei

Kia tātaitai i ngā hanga pāngarau o te whakarite a Huia rāua ko Mikaere i tā rāua hararei ki Ingarangi. E 3 marama te roa ki reira noho ai, ā, ko tētahi wāhanga o te hararei, ko te haere ki Wīwī me Pāniora mā runga pahi mō te 3 wiki.

Pāwhiria

thumb pangarau 320x180

AS91029 1.4 He Kaupapa Mahi Moni

Kia tātaitai i ngā hanga pāngarau o ngā rōpū ākonga e toru o te kura e whakatū kaupapa ana hei mahi moni, hei hoko taonga mā te kapa haka. Ko te mahi i tēnei aromatawai, he whakatairite i ngā kaupapa e toru nei.

Pāwhiria

thumb pangarau 320x180

AS91029 1.4 Te Utu Tēkehi

Kia tātaitai i ngā hanga pāngarau o ngā umanga tēkehi e toru i te tāone nui o Tauranga, he rerekē ā rātou utu. Ko te mahi i tēnei ngohe aromatawai, he whakatairite i ngā utu o ēnei umanga e toru.

Pāwhiria

thumb pangarau 320x180

AS91030 1.5 He Kōpaki Tuhinga Hangarau

Kia tātaitai i ngā hanga pāngarau o ngā tauira mahi e toru, ka rau atu ai ki rō kōpaki hei aromatawai mā te pouako i te mōhio ki te reo matatini o te pāngarau. Kei te ākonga rāua tahi ko te pouako te whiriwhiri i ngā tauira mahi e toru nei. I roto i ēnei tauira mahi, me whakaatu ngā mahi katoa, ngā whiriwhiringa katoa hei whakaoti i tētahi rapanga.

Pāwhiria

thumb pangarau 320x180

AS91030 1.5 Te Whakapau Kōhinu

Kia tātaitai i ngā hanga pāngarau o te whāomotanga o tētahi motukā, ko te tawhiti o te haere o taua motukā i te rita kōhinu kotahi. I tēnei horopaki, ka whakatairitea te whāomotanga o ētahi motukā e rua, ā, ka tuhi, ka whakawhitiwhiti kōrero mō te whakatairitenga.

Pāwhiria

thumb pangarau 320x180

AS91030 1.5 Te Whakapau Wai i te Pāmu

Kia tātaitai i ngā hanga pāngarau o ngā kura wai nui e whā o te pāmu a Herewini hei whāngai atu i te wai ki te hēti miraka kau me ngā hōpua wai inu mō ngā kararehe o te pāmu. I ngā wā karekau he ua, ka turuturu noa iho te wai mai i tētahi puna hei whakakī i ngā kura wai nui e whā nei.

Pāwhiria

thumb pangarau 320x180

AS91032 1.7 Ngā Pou Whutupōro

Kia tātaitai i ngā hanga pāngarau o te mutunga o te wāhanga o te tau mō te tākaro whutupōro, ā, kei te whakaritea kia whakahokia ngā pou whutupōro ki te hēti (wharau rānei), ki reira noho ai mō te raumati. Ka kawea ake ngā pou mā runga i tētahi wakatō.

Pāwhiria

thumb pangarau 320x180

AS91032 1.7 Te Wharenui Hou

Kia tātaitai i ngā hanga pāngarau o te hanga i tētahi wharenui hou i tētahi kura.

Pāwhiria

thumb pangarau 320x180

AS91033 1.8 Te Awhe Ararau

Kia tātaitai i ngā hanga pāngarau o te whakaritenga i tētahi ara i te papa o te kura hei kaupapa awhe ararau.

Pāwhiria

thumb pangarau 320x180

AS91033 1.8 Te Āhuarangi i Aotearoa

Kia tātaitai i ngā hanga pāngarau o te hanga i tētahi wharenui hou i te kura. Ko te ākonga kei te hoahoa i te wharenui, me te waihanga whakaaturanga mō te hapori o te kura.

Pāwhiria

thumb pangarau 320x180

AS91034 1.9 Te Hoahoa Tauira

Kia whakamahi i ngā tauira toi Māori me ngā momo panoni pērā i te nekehanga, i te whakaatahanga, i te hurihanga, i te aha kē atu. Ka kitea ēnei tauira ki roto i te wharenui, ki ngā tukutuku, ki ngā taura pērā i te tāniko.

Pāwhiria

thumb pangarau 320x180

AS91034 1.9 Te Hoahoa Tauira Kōwhaiwhai hei Waitohu

Kia whakamahi i ngā momo panoni hei hoahoa i tētahi tauira kōwhaiwhai. Ka whakamahia te tauira hei waitohu, arā, te whakarākei i te uhi o te pukapuka, o te neketai, o te momo kākahu, o te pōtae, o te waitohu mō tētahi kamupene rānei.

Pāwhiria

thumb pangarau 320x180

AS91035 1.10 Tauanga Hākinakina

Kia whakatutuki i te tūhuratanga tauanga e hāngai ana ki tētahi whakataetae hākinakina, pērā i te poitarawhiti ANZ.

Pāwhiria

thumb pangarau 320x180

AS91035 1.10 Te Whakataetae Kapa Haka

Kia whakatutuki i te tūhuratanga tauanga e hāngai ana ki te huinga raraunga ‘Whakataetae Kapa Haka’ (ka hoatu ā-pepa, ka hoatu hoki hei ripanga rorohiko).

Pāwhiria

thumb pangarau 320x180

AS91036 1.11 Tūhuratanga Raraunga Matarua

Kia whai i ngā tikanga tūhuratanga tauanga e hāngai ana ki tētahi huinga raraunga matarua.

Pāwhiria

thumb pangarau 320x180

AS91036 1.11 Ki hea te Kōmako e Kō?

Kia tūhura i ngā raraunga matarua hei tātaitai i te ine pānga o te pakari o te kōrero Māori ki ētahi o ngā mahi e uru tokomaha ana te Māori.

Pāwhiria 

thumb pangarau 320x180

AS91038 1.13 Tūhura Tūponotanga

Kia whakatakoto i ngā pātai tūhura pūāhua tūponotanga, i te mahere whakamātautau, i te whakamahi whakamātautau, i te whakaatu i te raraunga ki ngā whakaaturanga e tika ana, me te whakatakoto i te whakataunga. Ka aromatawaingia ngā mahi i ngā tikanga kohikohi, i ngā whakataunga, i te tautohutohu i ngā haranga. Me mārama, me tika te reo me ngā whakaari raraunga o te pūrongo.

Pāwhiria

thumb pangarau 320x180

AS90138 1.13 Tēnā, makaia!

Kia tātaitai i ngā hanga pāngarau o te tūhura i ngā raraunga matarua hei tātaitai i te ine pānga o te pakari o te kōrero Māori ki ētahi o ngā mahi e uru tokomaha ana te Māori.

Pāwhiria

thumb pangarau 320x180

AS91655 1.14 Te Whakataetae Hākinakina

Kia rangahau i te pāngarau ka whakamahia hei mahere i te whakataetae hākinakina, arā, ngā momo kēmutaka, te wātaka me te pūnaha whiwhinga.

Pāwhiria

thumb pangarau 320x180

AS91655 1.14 Te Wharekai

Kia rangahau i te pāngarau e whakamahia ana e ngā kaiwhakahaere i ō tātou wharekai, i ō tātou marae. Kei te ākonga te whiriwhiri i tētahi atu kaupapa rangahau e hāngai ana ki te pāngarau.

Pāwhiria

thumb pangarau 320x180

AS91656 1.15 He Kōpaki Tuhinga Pāngarau

Kia kohikohi i ngā tauira mahi e toru, ka rau atu ai ki rō kōpaki hei aromatawai i te mōhio ki te reo matatini o te pāngarau. Kei te kaiako rāua tahi ko te ākonga te whiriwhiri i ngā tauira mahi e toru nei. I roto i ēnei tauira mahi, me whakaatu ngā mahi katoa, ngā whiriwhiringa katoa hei whakaoti i tētahi rapanga.

Pāwhiria

Kaupae Tuarua

thumb pangarau 320x180

AS91256 2.1 Te Hanga Waitohu Tapatoru me te Porohita

Kia tātaitai i ngā hanga pāngarau o te whakarewanga i tētahi kamupene waihanga kirihou i tō rātou waitohu hou. Ka tāngia e te kamupene te waitohu nei ki runga i ngā rawa maha o te kamupene ahakoa te āhua me te rahi. Ko tō rātou e hiahia ana kia kaua e rahi ake te waitohu i te ingoa o te kamupene. Ka aromatawaingia te kounga o ngā matapakitanga, me ngā whakamārama, me te pai o te hono atu i ēnei ki te horopaki.

Pāwhiria

thumb pangarau 320x180

AS91256 2.1 He Hāpono e kore e Taea te Whakahē

Kia whakamahi i ngā tikanga āhuahanga taunga pērā i nga āhua motuhake ki runga papa taunga, kātahi ka mahi i tētahi tāpaetanga kōrero.

Pāwhiria

thumb pangarau 320x180

AS91257 2.2 Kua Eke Motopaika

Kia tātaitai i ngā hanga pāngarau o te whakaratonga o tētahi rōpū whakangungu eke motopaika i tētahi kaupapa whakapakari pūkenga mā ngā tāngata kātahi anō ka ako i te eke motopaika. Kua tautohu rātou i ngā tino pūkenga e whā me whakaharatau e ngā kaieke motopaika.

Pāwhiria

thumb pangarau 320x180

AS91257 2.2 Mahere Utu Waea Pūkoro

Kia tātaitai i ngā hanga pāngarau o te arotake a tētahi kamupene waea i āna mahere utu mō ngā waea pūkoro. I tēnei wā, ka taea e ngā kaiutu te whiriwhiri i tētahi o ēnei mahere utu: te Karaka, te Kākāriki, te Whero rānei. Kei te hiahia te kamupene ki te whakakapi i te mahere Kākāriki ki tētahi mahere Kikorangi hou. Ka whakaritea te utu mō te mahere Kikorangi mā te whakamahi i tētahi tauira whārite pūrua, tauira taupū kōaro rānei.

Pāwhiria

thumb pangarau 320x180

AS91258 2.3 He Moni Hua Māku

Kia whakamahi i te tapeke raupapa hei whakatauira i te moni hua tapeke o ia whare, me te whakatau i te maha o ngā papa o ia whare kia tata ōrite te moni hua.

Pāwhiria

thumb pangarau 320x180

AS91258 2.3 Hone Kore Ingoa – Inahea Ia i Mate ai?

Kia whakamahi i ngā tapeke raupapa e rua hei matapae i te wā i mate ai a Hone kore ingoa, ā, he whakataurite hoki i aua tapeke raupapa me te matapaki i ngā whakatau tata ka puta i tēnā, i tēnā mō muri tata mai i te matenga, mō muri noa atu anō hoki.

Pāwhiria

thumb pangarau 320x180

AS91259 2.4 Wawae Whenua

Kia tātaitai i ngā hanga pāngarau o te hokonga atu a tētahi kura i ētahi whenua hei mahi moni kia hangā he whare rēhia hou. Kei te hiahia tētahi tangata ki te whenua engari ka hokona e ia ina taea te wawae kia whā ngā tekihana e 400m2 neke atu te horahanga o ia tekihana. E kore e hokona te whenua ina tapatoru katoa kē ngā tekihana. Ko tā te aromatawai e whai nei, kia whakatau i te rahi o ngā tekihana e āhei ana te kura te hoko atu.

Pāwhiria

thumb pangarau 320x180

AS91259 2.4 Ngā Tae Kāhui

Kia whakamahi i te pānga pākoki hei whakatau mēnā ka taea, kāore rānei e taea, te whakatutuki i te hiahia o ngā Amorangi o tētahi kura ki te hanga i tētahi rūma hou mō ngā kaupapa maha o te kura.

Pāwhiria

thumb pangarau 320x180

AS91260 2.5 Ara Eke Paihikara

Kia tātaitai i ngā hanga pāngarau o te hiahia a te Kāwanatanga ki te waihanga i tētahi rauara eke paihikara huri noa i te rohe o Waikato e haere ai ngā kaieke paihikara i ēnei ara e honohono ana i ngā tāone nei: Kirikiriroa, Matamata, Pirongia, Te Awamutu, Maungatautari, Tīrau, Te Kūiti, Tokoroa me Taupō.

Pāwhiria

thumb pangarau 320x180

AS91260 2.5 He Rauara ki Ngā Taiātea Wharekura

Kia tātaitai i ngā hanga pāngarau o te tono a ngā kaiārahi o Ngā Taiātea Wharekura kia āwhina i a rātau ki te whakatutuki i ētahi hiahia whakatau ara. Kia whakamahi i ngā tikanga rauara hei kimi huarahi mā roto i te papa whenua o Ngā Taiātea Wharekura.

Pāwhiria

thumb pangarau 320x180

AS91263 2.8 He Tirohanga Tauanga Pae Ipurangi Kaupapa Māori

Kia waihanga i te uiui pāngarau hei kohi i te huinga raraunga mō tētahi pae ipurangi kaupapa Māori. Me whakarite tētahi wā roa mō te mahere, te tuhi, otirā, te arotake i ngā pātai o te uiui pāngarau.

Pāwhiria

thumb pangarau 320x180

AS91263 2.8 Tātaihia te Reo

Kia waihanga i te pepa uiui e mōhiotia ai te pakari o te reo Māori o te whānau rānei, o te marae rānei, o te hapū rānei. Ka āta whakaaro i ngā pātai e puta ai ngā raraunga tatau e hāngai ana. Hei reira, whakariterite ai i ngā ritenga tatau o ngā pātai. Me parahau ngā mahi katoa. Kia aromatawaingia te pepa uiui ki te hāngaitanga ki te whāinga, ki te parahau i ngā whiriwhiringa, ki te hanga o te pepa uiui ake. Me tika hoki te reo – ahakoa Māori, ahakoa Ingarihi – e mārama rawa ai te hunga uiui.

Pāwhiria

thumb pangarau 320x180

AS91264 2.9 Te Uiuinga Penapena ā-Kāinga

Kia whakamahi i ngā tikanga o te tūhuratanga hei whakaputa hīkaro e arotake ai tētahi huinga raraunga o te Uiuinga Penapena ā-Kāinga SURF.

Pāwhiria

thumb pangarau 320x180

AS91264 2.9 Te Matimati Kōroa ki te Matimati Mānawa

Kia whakamahi i ngā tikanga o te tūhuratanga hei whakaputa hīkaro e tūhura ai tētahi o ngā kerēme kua puta mō te roanga o te matimati kōroa me te matimati mānawa.

Pāwhiria

thumb pangarau 320x180

AS91265 2.10 Te Hunga Taiohi me te Inu Kawhe

Kia whakahaere i tētahi rangahau tauanga mō tētahi whakamātautau wā roa mo te kaha o te hunga taiohi ki te inu kawhe. Kia whakarite i te pātai rangahau, ka whakatakoto mahere whakamātautau, ka kohikohi, ka tātari i ngā raraunga, ā, ka tuhi whakataunga. Ko te hua mutunga ka puta, ko te whakaaturanga mai o tētahi pūrongo, e whakamārama mai ana i te tukanga whakahoahoa whakamātautau, te kohikohi raraunga, te tātari, me te whakataunga.

Pāwhiria

thumb pangarau 320x180

AS91265 2.10 Ngā Whakamātautau Maumaharatanga

Kia whakahaere i tētahi rangahau tauanga mō tētahi whakamātautau wā roa mo te maumahara. Kia whakarite i te pātai rangahau, kia whakatakoto mahere whakamātautau, kia kohikohi, kia tātari i ngā raraunga, ā, kia tuhi whakataunga. Ko te hua mutunga ka puta, ko te whakaaturanga mai o tētahi pūrongo, e whakamārama mai ana i te tukanga whakahoahoa whakamātautau, te kohikohi raraunga, te tātari, me ngā whakataunga.

Pāwhiria

thumb pangarau 320x180

AS91266 2.11 Ngā Waiaro ki te Reo Māori

Kia arotake i te pūrongo tauanga hei tautohu i te whaihua o ngā whakapae mō ngā waiaro o te reo Māori o ētahi tāngata. Ko te āhua o tō pūrongo ka rite pea ki tētahi whārangi wiki, pūrongo tuhituhi, pānui whakaahua rānei.

Pāwhiria

thumb pangarau 320x180

AS91266 2.11 Te Rangahau Tauanga i roto i te Ao Pāpāho

Kia arotake i te pūrongo tauanga hei tautohu i te whaihua o ngā whakapae mō ngā momo pūrongo i puta mai mō ngā kaupapa rere kē o te ao. Ko te āhua o tō pūrongo ka rite pea ki tētahi whārangi wiki, pūrongo tuhituhi, pānui whakaahua rānei.

Pāwhiria

thumb pangarau 320x180

AS91268 2.13 Ko te Hāpai Ō ki Runga

Kia āta matapae i te tūponotonga o ngā ō i utaina e ngā tūpuna ki runga i ngā waka i heke mai i Hawaiki rā ki Aotearoa nei, hei rauemi mō tētahi tāwhaitanga tūponotanga. Ka pānui i ngā tuhinga tawhito mō tētahi o ngā waka. Ka rapu i ngā kōrero mō ā rātou ō. Ka whakapae hoki i ngā ō kāore i whakapuakina.Ka aromatawaingia te raupapatanga o ngā tūponotanga ki ngā taunakitanga i puta ake i te rangahau, ki ngā taunakitanga i puta ai i nā whakapaetanga, ki te rite hoki hei rauemi hanga tāwhaitanga.

Pāwhiria

thumb pangarau 320x180

AS91268 2.13 Nō Hapū kē Koe?

Kia whakamahi i te tāwhaitanga tūponotanga hei tātai i ngā āhuatanga i puta ake ai tētahi hapū hou i mua i te taenga mai o Tauiwi. Ka whakaputaina ngā kitenga hei pūrongo. Ka aromatawaingia te pūrongo o te tāwhaitanga ki te mārama o te whakatakotoranga, ki te taunaki me te parahau i ngā ritenga tūponotanga, ki te mārohirohi i ngā āhuatanga rerekē hei tāwhai i ngā hanga hou o te urunga mai o Tauiwi.

Pāwhiria

thumb pangarau 320x180

AS91269 2.14 Whakataetae Kapa Haka ā-Rohe

Kia whakamahi i ngā whārite tukutahi hei whakatauira i ngā kōrero mō te mahi hokohoko tīkiti ki ngā whakataetae kapa haka ā-rohe i ngā tau e 2 ki muri, me te rahi o te utu e tika ana hei hoko atu i te tīkiti kotahi mō te pakeke i ngā tau kei te heke mai.

Pāwhiria

thumb pangarau 320x180

AS91269 2.14 Taiapa Puna Kaukau

Kia whakamahi i te pūnaha whārite tukutahi hei whakatauira i ngā kōrero mo te hanga i te taiapa mo te puna kaukau i te iāri o Tia, hei āwhina i a ia kia mōhio mai kei whea te wāhi pai hei whakawhiti te taiapa i te paipa, me te wāhi pai hei tanu i te taura hiko ipurangi.

Pāwhiria

thumb pangarau 320x180

AS91764 2.15 Ngā Pou e Ono

Kia rangahau, kia whakamātautau i tētahi o ngā wāhanga taketake e ono o te pāngarau i takitakina e te mātanga pāngarau, e Alan Bishop, hei whakaputa i te pūrongo whakamōhio. Hei kīnaki i te pūrongo, ka whakarite i tētahi mahi pāngarau e tika ana mō tētahi o ngā ranga pāngarau o tētahi kura. Kia aromatawaingia te pūrongo whakamōhio me te ngohe pāngarau ki te mārama ki te kaupapa, ki te tika o ngā kōrero, ki te parahau i ngā whiringa, ki te rata o ngā ākonga.

Pāwhiria

thumb pangarau 320x180

AS91764 2.15 Tākiritia ngā rā!

Kia rangahau i ngā hanga pāngarau o te hekenga mai o te waka o ngā tūpuna i Hawaiki ki Aotearoa nei. Ka titiro ki ngā tuhinga tawhito o te hekenga mai me te whakapaepae me te tautohutohu i ngā hanga pāngarau o te hekenga ake me ngā mahi pāngarau a ngā tāngata o runga. Kia aromatawaingia te pūrongo ki te whai i te kaupapa, ki te tika o te reo me ngā kōrero, ki te parahau i te tika o ngā kitenga.

Pāwhiria

thumb pangarau 320x180

AS91765 2.16 Te Punga e Tau ai te Māramatanga

Kia rangahau i ngā punga tōmua o ngā tau hei whakarite i te kauhau whakamōhio, hei whakarite hoki i te ngohe e pakari ai te whakamahi i aua punga. Kia aromatawaingia te kauhau me te ngohe pāngarau ki te tika o ngā kōrero, ki te horanga o te kaupapa, ki te aronga o te hunga whakarongo. Kia aromatawaingia te pūrongo ki te tika o te reo me te mārama o ngā kōrero, ki te parahau hoki i tāu e whakatau ana.

Pāwhiria

thumb pangarau 320x180

AS91765 2.16 He Pēhea ōu Pūkenga Mātipikeihana?

Kia pānui i te pukapuka pāngarau a Hēnare Wīremu Taratoa hei pūrongo i te aronga atu o ngā tūpuna ki ngā mahi pāngarau a Tauiwi, me ngā iwi onāianei. Kia aromatawaingia te pūrongo ki te atamai o te whakamārama i ngā take o Hēnare Wīremu Taratoa, ki te hiranga o āna mahi, ki te tika o āu nā kōrero, ki te horanga o te kaupapa. Kia aromatawaingia hoki te pūrongo ki te tika o te reo me te parahau hoki i tāu e whakatau ana.

Pāwhiria

Kaupae Tuatoru

thumb pangarau 320x180

AS91573 3.1 Ngā Amionga

Kia pūrongo i ngā kitenga i ngā hononga kei waenganui i Te Whānau-a-Tamanuiterā me Te Whānau Mārama whānui. Hei tēnei ngohe ka whakamahi i te mātauranga mō ngā motunga koeko me ngā pārongo kua homai mō ngā amionga hei tātai i te tawhiti o te aorangi iti mai i a Tamanuiterā i tōna whakawhitinga i ngā amionga o Papatūānuku, o Matawhero, me tētahi auahiroa. Ka aromatawaingia te pūrongo i ngā whakaaro me te pai o te hono ki te horopaki.

Pāwhiria

thumb pangarau 320x180

AS91573 3.1 Te Uhi Puna Kaukau

Kia whakamahi i ngā tikanga āhuahanga o te motunga koeko hei tuhi pūrongo e whakatau ana mehemea e hāngai tika ana ngā hoahoa uhi puna kaukau e rua ki ngā tautuhinga, me te panoni i ngā hoahoa (mēnā kāore i te hāngai) kia hāngai ki ngā tautuhinga. Ka aromatawaingia te pūrongo i ngā whakaaro me te pai o te hono ki te horopaki.

Pāwhiria

thumb pangarau 320x180

AS91574 3.2 Ngā Poraka o Anahera

Kia whakamahi i ngā tikanga mō te kauwhata whārite rārangi hei whakatauira i ngā aukatinga kei mua i te aroaro o te wahine hoko poraka hākinakina, ā, ka tohutohu i te maha o ngā poraka kia hangā hei whakamōrahi i tana whiwhinga huamoni. Ka aromatawaingia te pūrongo i ngā whakaaro arorau me te pai o te tūhono ki te horopaki.

Pāwhiria

thumb pangarau 320x180

AS91574 3.2 Ngā Māra Kai o Rongomai

Kia whakamahi i ngā whārite rārangi hei whakatauira i ngā aukatinga ka herea te tanagata whakatō poroporo. Me āwhina i aia kia whakatau i te maha o ngā heketea me whakatō hei whakanui rawa atu i tana huamoni whiwhinga mō tēnei tau me ngā tau e whai ake nei. Ka aromatawaingia te pūrongo i ngā whakaaro whai take me te tūhono o te whakautu ki te horopaki.

Pāwhiria

thumb pangarau 320x180

AS91575 3.3 Te Papa Āniwaniwa

Kia whakamahi i te tikanga pākoki me ngā kōrero mō ngā wīra kia whakatau āhea kite ai tētahi i tōna hoa i Ta Papa Āniwaniwa. Ka aromatawaingia te pūrongo i ngā whakaaro whai take me te tūhono o te whakautu ki te horopaki.

Pāwhiria

thumb pangarau 320x180

AS91575 3.3 Te Oranga Huakita

Kia whakamahi i te tikanga pākoki me ngā kōrero mō ngā taupori huakita e rua hei tautohu, me te whakamōhio i tētahi mātanga pūtaiao, i ngā wā mōrearea, arā ngā wā ka tata mate tētahi o aua huakita. Ka aromatawaingia te pūrongo i ngā whakaaro whai take me te tūhono o te whakautu ki te horopaki.

Pāwhiria

thumb pangarau 320x180

AS91576 3.4 Te Whakatū Huinga Whare Hokohoko Hōu

Kia tuhi pūrongo whai kupu ki te Kaiwhakahaere matua o te kamupene o Kahanui e whakatau ana i te tokomaha o ngā kaiārahi hei ārahi i te kaupapa nei (arā, te whakatū whare), mā te whakamahi tikanga kimi ara tino whaitake. Ka aromatawaingia te pūrongo i ngā whakaaro me te aheinga ki te tautohu i te pānga o ngā whakaroanga wā ohorere.

Pāwhiria

thumb pangarau 320x180

AS91576 3.4 Te Whakarite Kaupapa

Kia tuhi pūrongo e whakatau ana i tētahi kaupapa mā te whakamahi i te tikanga kimi ara tino whaitake. Ka taea te mahi ā-rōpū ki te whakarite i te hoahoa o te kaupapa nei me te tautohu i ngā mahi a tēnā, a tēnā, me te whakaraupapa i ngā mahi ka whakamahia. Ka aromatawaingia te pūrongo i ngā whakaaro me te āheinga ki te tautohu i te pānga o ngā whakaroanga wā ohorere.

Pāwhiria

thumb pangarau 320x180

AS91580 3.8 He kai ma te Hinengaro

Kia tūhura i te hokohoko kai ki Aotearoa, te whakatakoto matapae me te tuhi i tētahi pūrongo o ngā whakakitenga. Ka aromatawaingia te pūrongo i ngā tūhuratanga me te whakahāngai i te pakirehua tūhuratanga.

Pāwhiria

thumb pangarau 320x180

AS91580 3.8 Tōpito Kōpaka

Kia tūhura i te pānga o ngā tōpito kōpaka ki ngā āhuarangi o te ao whānui, me te whakatakoto matapae, me te tuhi i tētahi pūrongo o ngā whakakitenga. Ka aromatawaingia te pūrongo ki te tūhuratanga me te whakahāngai i te pakirehua tūhuratanga tauanga.

Pāwhiria

thumb pangarau 320x180

AS91581 3.9 Te Pūtaiao o te Hākinakina

Kia whakahaere i tētahi tūhura taurangi matarua – kia rua, nui ake rānei, ngā taurangi – me te tuhi i tētahi pūrongo o te raraunga tauanga i whakamahia e ngā mātanga pūtaiao. Ka aromatawaingia te pūrongo i te pai o ngā tūhuratanga.

 

Pāwhiria

thumb pangarau 320x180

AS91581 3.9 Ngā Whānau Momo Iti o te Whānau Aihe

Kia whakahaere i te tūhura taurangi matarua – kia rua, nui ake rānei, ngā taurangi – e pā ana ki nga inenga māhunga o te aihe tūpoupou me te tuhi i tētahi pūrongo o ngā kitenga. Ka aromatawaingia te pūrongo i te pai o te tūhura me te whai ake i ngā tikanga o te tūhura tauanga.

Pāwhiria

thumb pangarau 320x180

AS91582 3.10 Ngā Kaiwhakataetae Matua

Kia whakahaere i tētahi tūhura e whakamahi ana i ngā tikanga tūhura tauanga hei whakatau i tētahi hīkaro tauanga e pā ana ki ngā kaiwhakataetae matua.  Me mahi takitahi ki te whakatakoto i te pātai tairite, whakaoti i te tātari, whakamahi i te whakataunga me te tuhi i te pūrongo. Ka aromatawaingia te pūrongo i te pai o ngā tūhuratanga.

Pāwhiria

thumb pangarau 320x180

AS91582 3.10 Ngā Tauanga Tuki Waka o Aotearoa

Kia whakahaere i te tūhura e whakamahi ana i ngā tikanga tūhura tauanga hei whakatau i tētahi hīkaro tauanga mō ngā tauanga tuki waka o Aotearoa. I ahu mai tēnei i ngā mahi pāpāho e hāpai ana i ngā tukituki waka nō te Tari Waka o Aotearoa titiro ki http://www.nzta.govt.nz/safety/driving-safely/alcohol-and-drugs/drink-driving-advertising/local-legends/. He pai ki te titiro ki te pāpāho, ngā pāpāho rānei, kia whakamōhio mai ki te horopaki. Ka aromatawaingia te pūrongo i te pai o te tūhura me te whai ake i ngā tikanga o te tūhura tauanga. 

Pāwhiria

thumb pangarau 320x180

AS91583 3.11 Ngā Pātai Nanakia

Kia whakahaere i tētahi whakamātautau tauanga hei tūhura i tētahi momo haukume ki roto i te hoahoa rārangi pātai. I mua mai i te aromatawai, me rangahau te horopaki me ngā kōrero mō ngā taurangirangi. Ka aromatawaingia te pūrongo i te pai o ngā tūhuratanga me te whakahāngai i te pakirehua tūhuratanga tauanga.

Pāwhiria

thumb pangarau 320x180

AS91583 3.11 He whakaawhiwhi

Kia whakahaere i tētahi whakamātautau tauanga hei tūhura i tētahi āhuatanga e whai pānga ai ngā haukume, ngā mānihi, arā, ko te whakaawhiwhi. I mua mai i te aromatawai, me rangahau te horopaki me ngā kōrero mō ngā taurangirangi. Ka aromatawaingia te pūrongo i te pai o te tūhura me te whai ake i ngā tikanga o te tūhura tauanga.

Pāwhiria

thumb pangarau 320x180

AS91587 3.15 Kai Parehe – kua Pī te Tero!

Kia whakamahi i te pūnaha whārite tukutahi hei tūhura i te utu (ā-karori nei) o ia wāhanga o tēnā parehe, o tēnā parehe. Me whakaatu mai ngā kitenga ki ngā kīanga tātaihanga.

Pāwhiria

thumb pangarau 320x180

AS91587 3.15 Te kohi Kōhatu Māori

Kia whakamahi i ngā pūnaha whārite tukutahi hei rangahau i te uara o ngā momo kōhatu o te kēmu ipurangi ki ngā kaupae rere kē o te kēmu. Me whakaatu mai ngā kitenga mā ngā kīanga tātaitanga.

Pāwhiria

Rauemi tūhono