1
Ka eke ki Wairaka
![A woman's silhouetted face with her hair blowing in the wind.](https://kauwhatareo-live-storagestac-assetstorages3bucket-1w7r7v9dv6o7k.s3.ap-southeast-2.amazonaws.com/public/Uploads/images/inline/ed3dbfb435/inline-Wairaka-1.png)
He mea tito nā Puhiwahine
Ka eke ki Wairaka ka tahuri whakamuri
Kāti ko te aroha te tiapu i Kakepuku
Kia rere arorangi te tihi ki Pirongia
Kei raro koe Toko, taku hoa tungāne
Nāku anō koe i huri ake ki muri
Mōkai te ngākau te whakatau iho
Kia pōruatia e awhi-ā-kiri ana.
Kotahi koa koe i mihia iho ai
Ko taku tau whanaunga nō Toa i te tonga
Nō Mania i te uru, ka pēa tāua
I ngākau nui ai he mutunga mahi koe
Kāti au ka hoki ki taku whenua tupu
Ki te wai koropupū i heria mai nei
I Hawaiki rā anō e Ngātoroirangi
E ōna tuāhine Te Hoata, Te Pupū
E hū rā i Tongariro, ka mahana i taku kiri.
Nā Rangi mai anō nāna i mārena
Ko Pihanga te wahine, ai ua, ai hau,
Ai marangai ki te muri e
Kōkiri!