Nō ngā kāwai whakapapa - pukapuka tuatahi
Nō ngā kāwai whakapapa - pukapuka tuatahi
He kohinga tēnei e whakatairanga ana i ētahi āhuatanga nō neherā hei ako mā te ākonga hītori. He pukapuka tautoko tēnei mā ngā kaiako, mā ngā ākonga hoki, i ngā akoranga pakirehua. Ko te arotahinga o tēnei putanga ko te Whakapapa, tētahi o ngā tirohanga nō roto mai i o Te Takanga o Te Wā.
E mōhio ana koe ki te whakapapa o tō ingoa? Nā wai koe i tapa? He aha ngā tikanga i whāia ai e ngā tūpuna ki te tapa ingoa? Ahakoa ko wai koe, ahakoa nō hea koe, he take, he mana o tō ingoa. Kei tēnā iwi, kei tēnā ahurea hoki, puta noa i te ao, ōna ake tikanga mō te tapa ingoa. Ka kite i konei ētahi uiui mō te whakapapa o te ingoa ki tā ētahi whānau, heoi anō arā noa atu ōna kōrero.
He kiko matihiko tāpiri mō tēnei tuhinga kei te whakaputanga Ngā Ata Kūkara hei whakawhānui i te ako a ngā ākonga.
He oriori tēnei i tuhia ai i te whānautanga mai o Hinewairaranga. I titoa i runga i te kōingo o te ngākau kia mōhio ai ia ki ngā take, ki ngā tikanga i whiriwhiria ai ngā ingoa o ōna tūpuna kuia hei ingoa mōna.
He pakimaero tēnei i ahu mai ai i ngā kōrero pono mō ētahi wāhine rangatira nō Ngāti Toa Rangatira, Ngāti Raukawa Te Au ki te Tonga, me Te Āti Awa ki Kapiti. Nō ngā kāwai rangatira a Wikitōria engari kāore ia mō te whai i ngā wawata a ōna mātua mōna. He kaha ia ki te mahi, he toa hoki ia ki te rāti wēra nā reira ia i whai mahi ai i runga i tētahi kaipuke hokohoko. I konei tīmata ai te whakaipoipo i waenganui i a ia me te kāpene o te kaipuke. Nā tēnei hononga rāua i whai hua ai i te ao hokohoko, i te ao whakamanuhiri anō hoki
Ka kitea i tēnei aratohu mā te pouako he kupu pakirehua, he ngohe hoki kia whai māramatanga ai koe ki tēnā tuhinga, ki tēnā tuhinga. He tīwhiri hoki kei ngā ngohe mō te arotake, e hāngai ana ki ngā whāinga e whā o Te Takanga o Te Wā.