Kati

Hangarau mō te Whānau

Te Whānau Hangarau Matihiko

Video Transcript
Pare – Nā, kua oti i ahau tēnei wāhanga, ana me… (kei te kōrero ki a ia anō… kātahi ka tapatahi ōna whakaaro i a ia e mahi ana i te wāhanga whai ake)

Rā – Kei te pēhea ngā mahi?

Pare – He tino uaua i ahau i te kāinga, ka nui taku manako kia kawea tikahia mai e au tō māmā ki konei ina mahi raranga ana au. Ahakoa he tino āwhina tana rangitaki, engari kāore i tua atu i a ia ā-tinana.

Rā – He hātepe te raranga. He tohutohu noa iho ēnā hei whai.

Pare – Kei te mōhio ahau, engari he uaua ki ahau te kite i te tauira i roto i ngā tohutohu mēnā he nui ngā kōrero me mārama ahau engari kei te ngaro i ahau.

Rā – Hmm, kei te mārama. He nui ake ngā kōrero me whiwhi koe kia kitea e koe ngā mea hira me ngā mea hei waiho. Ka āwhina au i a koe ki te whakakīkī i ngā whāruarua kei tō hātepe.

Pare – Koinā.

Rā – Me waea atu koe ki a ia, he tino pai ki a ia te āwhina i te hunga raranga ahakoa ko wai.

Pare – Atā! (kua hōhā ia, ā, ka toro atu tōna ringa ki tana waea)

Manaaki – Kia ora, ko te waea a Mihi tēnei

Pare – Kia ora Manaaki, kei te pēhea koe?

Manaaki – Kia ora e Pare, kei te pai ahau.

Pare – Kei konā tō Māmā, kua raruraru anō aku mahi raranga

Manaaki – Kei te pokea e ana mahi kope i tēnei wā. Kei te whai haere koe i tana rangitaki nē?

Pare – Āe, me te aha he pai ake i te whakawhirinaki atu ki tōku pūmahara pērā i mua, engari kāore i tua atu i te whakaatu ā-tinana mai.

Manaaki – Ehara ko koe anake te mea e kōrero pērā ana, he whaiwhai haere anō tētahi o ō mātau kiritata i te rangitaki, ka mutu he rite anō ana raruraru ki ou… tērā pea (kei te āta whakaaroaro) Tērā pea… tērā pea… tēnā, kōrero mai he aha te take kāore i te ōrite te pai o te rangitaki ki te whakaakoranga ā-tinana?

Pare – He tino māmā ake te kite i a ia e āta mahi ana i ia wāhanga, ka kite ahau kei hea ōna ringa e haere ana, ki hea raua atu ia aho harakeke e ia, he pēhea nei tana kukume kia kikī, me ngā mea katoa.

Maanaki – Ko tāku e whakaaro nei, ka āwhina pea ngā ataata i roto i tana rangitaki i te hunga mātaki. Anei, kua tae mai ia.

Mihi – (ki a Manaaki) Kua whakamoea e au a Kere.

Manaaki – Kia ora Māmā, kei runga a Pare i te waea, he pātai tāna ki a koe mō te raranga.

Mihi – Kia ora e Pare.

Pare – Kia ora e Mihi, kei te pēhea koe?

Mihi – Kei te pai ahau, me koe?

Pare – kei te pai ahau, engari kua hōhā katoa ahau i aku mahi raranga, ka taea anō e au koe te whakawhiti ki te waea ataata?

Mihi – Āe rā, he mahi anō māku?

Pare – Kāo, ka mahi noa iho. Kei te kite mai koe i ahau?

Mihi – Āe

Pare – Nā, kei te whai haere ahau i te rangitaki, ana kua tae ahau ki tēnei wāhanga (kei te whakaatu i ana raranga ki te waea)…
Hangarau mō te Whānau video transcript

Te Whānau Hangarau Matihiko

  • Video-transcript-Hangarau-mo-te-Whanau.pdf
  • 81 KB