Ko te rorohiko hei pupuri kōrero
Tirohanga Whānui
He Whakataki
Kei roto akomanga. Ko ngā tamariki hou me ngā Tau 1 ngā ākonga. He huinga pūrere matihiko hei whakamahi i tā rātou hōtaka ako. Kāore anō ētahi o ngā ākonga kia whakamahi i te pūrere matihiko i tēnei wā, engari he matatau ētahi o rātou. Kua matapakihia ngā ture mō te tiaki me te whakamahi i te pūrere matihiko, (i tētahi momo papahiko kē atu rānei), ki te akomanga.
Tā tēnei mahi e whakaatu ana
Kua wānangatia, kua matapakihia ngā ture ā-akomanga mō te tiaki me te whakamahi i te pūrere matihiko e ngā ākonga. Ko tētahi ture whānui tonu ko te tono whakaaetanga kia hopu whakaahua tētahi o tētahi tangata, mā te kāmera o te pūrere matihiko.
Ngā momo tikanga
- Kua kōrerohia e ngā ākonga ngā ture ā-akomanga mō te whakamahi pūrere matihiko:
- Te tono whakaaetanga i mua i te hopu whakaahua o te tāngata, o āna rawa rānei.
- Te tono whakaaetanga i mua i te hopu reo/āhua rānei o te tangata.
- Te pupuri tika i te pūrere matihiko, ahakoa tū mai, e hīkoi ana rānei.
- Te noho ki te tēpu, ki te papa rānei whakamahi ai i te pūrere matihiko.
- Te whakamahi anake i te pūrere matihiko i hoatu ki a koe, te tono whakaaetanga rānei ki te whakamahi i te pūrere matihiko o tētahi atu.
- Te whakahoki i te pūrere matihiko ki tōna wāhi.
- Te horoi ringaringa i mua i te whakamahi.