Te Kura Huanui: The treasures of successful pathways
Thu 8 July 21
I te rangi nei ka whakarewahia a Te Kura Huanui: Ko ngā kura o ngā ara angitu (Te Kura Huanui: The treasures of successful pathways), e ngā Minita tuarua mō te Mātauranga, arā, ko Kelvin Davis rāua ko Jan Tinetti. I whakamanuhiritia tēnei huinga kaupapa ki te Whare Pī i Te Whanganui a Tara, ā, neke atu i te 100 ngā manuhiri i tae atu, tae noa ki ngā kanohi nō ngā kura kaupapa Māori, ngā kura ā-iwi, ngā kōhanga reo, ngā raukura, ngā manu pīrere, me ngā māngai o ngā hinonga ara reo Māori.
He kaupapa rangahau, mahi ngātahi, rongorua hoki a Te Kura Huanui i waenga i Te Rūnanga Nui o Ngā Kura Kaupapa Māori, Ngā Kura ā-Iwi, te tarati ā-motu o Te Kōhanga Reo, me te Tari Arotake Mātauranga, he mea tautoko hoki e Te Tāhuhu o Te Mātauranga. Nā te kaupapa rangahau i hua mai ai tētahi rerenga whakaahua kōrewha me tētahi rīpoata, e tīpako ana i te angitu o ngā ara reo Māori. Ko tā te kaupapa nei, he āta whakatakoto kanohi hōmiromiro nei i ngā huarahi mātauranga ara reo Māori, ōna tikanga whakaaro, me ngā tikanga pai rawa atu, whaihua hoki, hei whakamana i te ākonga Māori kia tino puāwai ai i roto i tō tātau nei ao hurihuri.
Ka noho te ahunga kaupapa Māori hei tūāpapa, hei waka whakatere hoki mō te kaupapa nei, ko tāna hoki ko te whakatōpū mai i ngā āhuatanga mātauranga angitu mō ngāi Māori, ā, ka tuku mai i te tirohanga o te mahi a te whānau, te hapū me te iwi hoki i tā te tangata whai ai i tōna huarahi ako. Kua whakatinanatia ngā hua o te rangahau e ngā reo o ngā raukura, ngā manu pīrere, o ngā kaiako, ngā kaiārahi, me te hunga nā rātou i whakatakoto ngā huarahi mātauranga ara reo Māori, e kitea nei i ngā whakaahua kōrewha.
Mō ētahi atu pārongo, mō te rīpoata rangahau me ngā whakaahua kōrewha kua tāpirihia, tēnā tirohia te hononga kei raro ki te paetukutuku o Te Tari Arotake Mātauranga.
Associate Ministers of Education, Kelvin Davis and Jan Tinetti, today launched Te Kura Huanui: Ko ngā kura o ngā ara angitu (Te Kura Huanui: The treasures of successful pathways). This event was hosted at the Beehive in Wellington and was attended by over 100 guests, including representatives from kura kaupapa Māori, ngā kura ā-iwi, kōhanga reo, raukura, manu pīrere and Māori-medium peak body representatives.
Te Kura Huanui is a collaborative, multimedia, research project between Te Rūnanga Nui o Ngā Kura Kaupapa Māori, Ngā Kura ā-Iwi, Te Kōhanga Reo National Trust, and the Education Review Office, supported by the Ministry of Education. The research project resulted in a series of vignettes and an accompanying report, highlighting success in Māori medium pathways. This project offers a comprehensive overview of Māori-medium education pathways, philosophies, and valuable best practice for empowering ākonga Māori to truly thrive in our ever-changing world.
The project is underpinned and driven by a kaupapa Māori approach, it captures characteristics of educational success for Māori and provides insight into the role of whānau, hapū and iwi throughout their learning journey. The findings of the research are brought to life through the voices of the raukura and manu pīrere, kaiako, leaders and the early founders of Māori medium educational pathways, as shown through the vignettes.
For further information the research report and suite of accompanying vignettes, please see the link below to the Education Review Office website.