Kōrero Rauemi
Tūhono mai ki ngā rauemi akoranga reo Māori tino hou, ngā mea hoki ka puta ākuanei.
Tēnā anō koutou kei ngā pūreke mōwai o tō tātou nei reo i tāwara mai ai i te māpuna korokoro o te hunga mārama.
Tēnei Te Tāhuhu o Te Mātauranga e harikoa nei ki te tuku i ēnei rauemi hou hei rau atu ki roto i ō kete taputapu ako.
E tautokona ana ia rauemi e ōna tautoko marautanga mā te Kaiako, ā, he mea āta hoahoa hei hora tohutohu i a ia mō te whakamahi i ēnei rauemi hou.
Carte de Visite
nā Hayden Turoa
He pakimaero whakairoiro a Carte de Visite e takutaku ana i ngā mahi a Kīngi Tawhiao me tōna tira haere i tā rātou pahī ki Ingarangi i te 1884. E whai ana te kōrero ki te āmiki i tō rātou haerenga i Ahitereiria ki Napori, Itāria, atu i reira ki te pokapū o Cheapside, Rānana me Russell Square. He kōrero māmā, pārekareka hoki e whakaatu ana i te āhuatanga koutangata o ētahi tūpuna, nō rātou e mau tonu ki te mana ariki o ētahi whānau rongonui, i whakapau wā e whakangahau ana i Leicester Square me te West End o Rānana.
Taumata Marautanga 7-8Iwi: Whanganui, TainuiRauemi: Pakimaero WhakairoiroTomo mai ki ngā rauemi tautoko kaiako ki konei
Ōtātara Pā
nā Te Tarahiti o te Ngāti Pārau Hapū
E kōrero ana a Ōtātara Pā i ngā haerenga huri noa i te pā me ngā maunga i te wā i mua i te taenga mai o te Pākehā. Kei roto i te kōrero ētahi iwi/hapū hira, ētahi rangatira taiea, me ngā taiopenga nunui i tū i aua maunga me ngā rārangi wā o ētahi rangatira me ētahi hapū nā rātou i noho i Ōtātara Pā me Hikurangi.
Taumata Marautanga 4-5Iwi: Ngāti PārauRauemi: Pakimaero WhakairoiroTomo mai ki ngā rauemi tautoko kaiako ki konei
Ngā Taniwha e rua o Waiapu
nā Sue Ngarimu
Kua kōmitimiti te puka i te kōrero paki tuku iho mō Horowhatu, he taniwha e noho ana i te awa o Waiapu, ki ngā take o te wā ka pā ki te iwi o Ngāti Porou. Ko ngā take o te wā ko tae atu ki ngā māharahara e pā ana ki te ahumahi ngāherehere me te ngāhorohoro i puta i aua mahi; me te tōpū mai o te parataiao mai i te awa o Waiapu kua whakaputu haeretia ki roto i te tairua o Hikurangi.
Taumata Marautanga 4-5Iwi: Ngāti PorouRauemi: PukapukaTomo mai ki ngā rauemi tautoko kaiako ki konei
Ngā Tai Hekenga Tāngata
nā Ward Kamo rāua ko Jamie Tuuta
Kua kapi i ēnei kōrero te hekenga atu o Ngāti Mutunga i ō rātou whenua i Urenui/Taranaki ki Kāpiti me Matiu, ā, whai muri i tērā tō rātou haerenga me te taenga atu ki Wharekauri.
Taumata Marautanga 4-7Iwi: Ngāti MutungaRauemi: HautakaTomo mai ki ngā rauemi tautoko kaiako ki konei
Te Toiwhenua o Te Whanganui-a-Tara
nā Rangitāne o Wairarapa Inc.
Koinei ngā kōrero o Te Whanganui-ā-Tara, me te pūwhenuatanga o te takiwā. Kei roto i tēnei ko te mātaitanga tuatahinga o te whenua e Tara rāua ko Tautoki, te whakatūnga o tētahi whare i Matiu, ngā tohutohu Whātonga mō te pūwhenua, te hanganga o Whetū-kairangi; te tapanga o Te Whanganui-ā-Tara, te whakatūnga o te uruhau, Te Aka-Tarewa, me Waihīrere i Te Rangi-a-Hiwa; te whakawehenga o Tara rāua ko Tautoki.
Taumata Marautanga 4-5Iwi: RangitāneRauemi: Puka PikitiaTomo mai ki ngā rauemi tautoko kaiako ki konei
Te Kuia Tūrehu o te Pō me āna Mokopuna
nā Anituatua Black
He kohinga hira tēnei o ngā kōrero nā Anituatua Black, e 90 ōna tau, mō te ao tūturu, ngā mahi a te tangata me ngā ritenga ahurea a Ngāi Tūhoe. Ka tīmata ia kōrero ki te waiata, te karakia rānei - ko te kī tērā e wetemaukati i te tomokanga ki te kāinga ātahu o Te Kuia Tūrehu. E pā ana ngā kōrero katoa i roto i te kohinga ki ngā mahi noa ā-rā o te kuia me tāna mokopuna, a Kohineoha, me ā rāua mahi pāhekoheko ki te ngahere me ōna kīrehe. E kōtuituitia ana aua mahi ā-rā ki ngā tikanga tuku iho, ātahu me ngā ritenga o nehe kua roa nei te warewaretia.
Taumata Marautanga 7-8Iwi: Ngai Tūhoe, Ngai Te Rangi, Te Arawa, Ngāti KahungunuRauemi: PukapukaTomo mai ki ngā rauemi tautoko kaiako ki konei
Taurikura
nā Te Hare Piahana rāua ko Melissa Derby
Ko te Kōrero o Taurikura mō te tamāhine a tētahi rangatira i noho i tētahi kāinga i te takiwā Ōmanawa. I maumaharatia ā-whakairo nei a Taurikura i roto i te wharenui, i Tamateapōkaiwhenua i te Marae o Huria. Ko te pūtake o te rauemi nei ko ngā kupu anō a Te Hare Piahana, ā, ka kōrerotia e tana mokopuna, e Tākuta Melissa Derby.
Taumata Marautanga 1-2Iwi: Ngāti RanginuiRauemi: PukapukaTomo mai ki ngā rauemi tautoko kaiako ki koneiNgā rauemi matihiko kua puta i ēnei rā tata
Peka mai ki te whārangi tau hou o Te Aho Ngārahu
He kōkiri e tautoko ana i ngā pūrākau reo Māori ā-iwi, me ngā raumei tautoko mā te kaiako.
E kimihia ana tētahi mea whāiti nei?
Whakamahia tēnei paekimi hei rapu i te whānuitanga o te kaupapa. Ka toro atu ki te pae kimi matua.