Te Tīrewa Marautanga o Aotearoa

I te Tautoko Rā Kaiako 1 i pōwhiritia koe e mātou kia titiro ki Te Tamaiti Hei Raukura, ā, i tūtaki hoki tātou ki ngā Pou e whā; He ākonga te tamaiti, he tangata te tamaiti, he puna kōrero te tamaiti, me te whakamutunga, he uri whakaheke te tamaiti. I tūtaki hoki tātou ki te ariā o tēnei mea te Tīrewa.

Ka kīa ēnei pou e whā e mātou ināianei ko 'Ngā Pou Matua o te Tīrewa Marautanga'.

Kua āta neke mārire tātou ināianei kia waiho te ingoa o 'te tamaiti' me te huri kē ki te ingoa o 'te mokopuna', inā rā i roto i ngā taitara o ngā pou e whā.

I te Tautoko Rā Kaiako 2, ka whai wāhi koe ki te whakapiki i tō māramatanga me tō āhei ki te whakamahi i ngā pou e whā o ō mahi whakaako, ako hoki.

Anei ngā tino kai hei tūhura:

Ngā whakaaro matua: Me āta titiro ki ngā whakaaro matua, tae atu ki:

• Ko Te Tīrewa Marautanga o Aotearoa (Te Tīrewa Marautanga) te taitara mō te marautanga ā-motu hou kua oti te hoahoa anō.

• Kua tangohia te whakaaro o Ngā Pou Matua o Te Tīrewa Marautanga i te pukapuka o Te Tamaiti Hei Raukura.

• Ka noho ngā Ngā Pou Matua hei kahupapa mō Te Tīrewa Marautanga, ā, hei whakaata ēnei i ngā wawata o ngā whānau, o ngā hapū me ngā iwi mō ā rātou tamariki mokopuna.

Wānanga 1: Ka hoki ki TOD 1 me ngā pou e whā

Wānanga 2: Te Mokopuna Hei Ākonga

Wānanga 3: Te Mokopuna Hei Tangata

Wānanga 4: Te Mokopuna Hei Puna Kōrero

Wānanga 5: Te Mokopuna Hei Uri Whakaheke

Wānanga 6: Ngā Pou Matua me tō kura

He aha e whai ake nei?

23 Whiringa-ā-nuku - 1 Hakihea 2023

Ka horaina e mātou ētahi awheawhe ā-rohe hei whakaatu i ētahi āhuatanga o Te Tīrewa Marautanga o Aotearoa, me te kimi i ō whakaaro mō te ahunga o te hoahoatanga hou.

Wāhanga 1 & Wāhanga 2 2024

Ka haere tonu te kawe haeretanga o Te Tīrewa Marautanga o Aotearoa ki te iwi.

Ka whakamātauria e mātou ngā tuhinga kōkau tuatahi o Te Reo Māori me te Pāngarau, waihoki Te Ao Māori me Pūmanawa Tangata.