Ngohe taunaki o te taupānga
Ngohe taunaki i te taupānga
Ngohe taunaki i te taupānga
|
Te Wāhanga o TmoA |
Te Whenu Whāinga Paetae |
Kawenga mā te kaiako |
Tūmahi mā ngā ākonga |
|
Pūtaiao
Hononga: Te Reo: (ā-waha) Hauora Hangarau
|
Te Ao Tūroa Te Taiao
Ka mārama haere ki ngā momo koiora maha a Papatūānuku; me ngā pāhekoheko o te rauropi ki te rauropi, ā, ki te taiao whānui hoki
|
Whakaora
Ngohe: Te whakamakuru rākau māori
Whāinga: Kia ako i ngā mahi a te tangata hei atawhai i te taiao Rauemi: He kākano He kātene hēki (pōaha) He oneone He wai
Tohutohu: Tirohia te hononga nei: Rākau Māori He rawe ēnei tipu mō te whakapaipai i te wai. Wānangahia ēnei tūāhuatanga hei āpiti atu ki ngā kōrero mō Pekehaua me te mahi a ngā ākonga hei āwhina i a ia ki te tiaki i te wai. Matapakihia, whakatauirahia me pēwhea. |
Mahi takirua
Tūmahi: Whakatipuria he rākau māori pērā i te mānuka, aha atu rānei, hei āwhina i a Pekehaua ki te whakapaipai i te wai o Te Awahou Hua: Kia whanake ngā pūkenga o te kaitiakitanga, te whakamakuru tipu me te tiaki i te wai Hātepe: Whakakīa ngā wāhi noho o ngā hēki i te kātene ki te oneone Kōruaruatia ia wāhanga o te kātene hēki mā tō matimati Ruiruia he kākano ki roto ki ia rua ā, kōpania
Kimihia he wāhi mahana e tau ai te noho o te kātene
Whāinumia ki te wai ia rā kia whanake ai |
|
Tikanga ā-Iwi
Hononga: Te Reo: (ā-waha) Hauora |
Te Wāhi me te Taiao
Ka whakawhanake mōhiotanga te ākonga ki: ngā pāhekohekotanga o te tangata ki te wāhi me te taiao; ngā mahi a te tangata hei atawhai i te taiao |
Whakapaipaihia te awa
Ka whanake ake ngā tipu kua āta poipoia e ngā ākonga, tae ki te wā ki te whakatō i ā rātou tipu ki ngā tahataha o te awa.
Rauemi: Ngā tipu māori kua whakamakuruhia e ngā ākonga.
Tohutohu: Wānangahia te mahi tātari a ngā rākau ki te whakapaipai i te wai i mua i ngā mahi whakatō tipu
|
Mahi ā-rōpū
Tūmahi: Whakatōngia ngā tipu ki ngā tahataha o Te Awahou hei āwhina i a Pekehaua ki te whakapaipai i te wai. Akoranga: Te mahi tātari a ngā rākau ki te whakapaipai i te wai
|
|
Hauora
Hononga: Tikanga ā-iwi Hauora Hangarau |
Koiri
Ka whakamārama i ngā whakaawenga o ngā tūāhua o mua i ngā hononga i roto, i waenga hoki, i te rōpū, me te haere tonu o ēnei whakaawenga |
Horohopu
He ngohe tēnei hei taunaki i ngā kōrero mō Pītaka, tana rīrā, ngā rawa o te taiao i whatua e ia hei hopu i a Pekehaua. He pai hoki tēnei ngohe hei ako i ngā whakapapa o te harakeke me te raupō.
Kēmu: Horohopu
Tohutohu: Tirohia te hononga mō ngā tikanga o te kēmu.
Rauemi: Poi Toa / kī /ripirere rānei Papa netipōro, he whīra rānei. Koeke hei tohu i te papa tākaro He ārai poho rerekē mō ia tīma
|
Mahi ā-rōpū:
Whāinga: Kia kapohia te raukura mai i te tīpare o tō hoa engari me kaua e neke ngā waewae, me tū tonu. Hua: Whakapakari i ngā pūkenga makamaka, hopu, pekepeke, omaoma, tāhurihuri me te taunga o te tinana. Akoranga: Kia pakari ai te tinana pērā i a Pītaka me tana ope taua. Kia ako ai ngā whakapapa o te harakeke me te raupō. Kia tūhono ai ki a Tānemahuta rāua ko Hineiterepo |
|
Ngā Toi
Hononga: Tikanga ā-iwi Hauora Hangarau |
Toi Ataata
Ka whakawhanake ariā, ka whakapakari pūkenga, ka whakamārama, ka whai māramatanga te ākonga mā te tūhura me te whakamahi i ngā hua o ngā rawa, rawa tā, me ngā taputapu |
Pekehaua te taniwha
Te haerenga mai o Pekehaua rāua ko Ruaeo mai i Hawaiki nui ki Aotearoa
Pekehaua rāua ko Hinerua
Pekehaua te kai tangata
Te hinganga o Pekehaua
Pekehaua te kaitiaki
Wānangahia ngā kōrero o runga ake nei, tukuna ngā rōpū (5 ākonga) kia whiriwhiria tētehi wāhanga o ngā kōrero kia tuhia mai he whakaari karetao hei whakaatu atu ki mua tonu i te akomanga. Mō ngā kōhungahunga, māu anō tētehi tuhinga, titonga rānei e tuhi hei whakaari mā rātou. |
Whakaari Karetao Mahi ā-rōpū Tuhia mai he whakaari poto mō tō wāhanga kōrero e pā ana ki a Pekehaua. Waihangahia mai he karetao rākau e taunaki nei i ō kōrero. Whakaatu atu ki mua tonu i tō akomanga. Rauemi Taniwha Karetao Rākau |