Ngā whakamahuki
Ngā whakamahuki
|
Tau |
5 - 11 |
|
Taumata |
1 - 4 |
He whakamārama
E ai ki ngā kōrero a Ngāti Rangiwewehi, i haere mai a Pekehaua te taniwha rāua ko Ruaeo te tupuna i Hawaiki nui ki Aotearoa. Ka noho tonu a Pekehaua hei kaitiaki mō ngā uri o Ruaeo arā, ko Ngāti Rangiwewehi ki Te Waro Uri, he ana whēuriuri i te rētōtanga o Te Awahou. Ko te ingoa taketake mō Te Awahou ko Te Wai Mimi o Pekehaua. Hei tā ētahi, nā te whiore tonu o Pekehaua i whakairo te takotoranga o Te Wai Mimi o Pekehaua. Ka moe a Pekehaua rāua ko Hinerua, te kaitiaki o te awa o Hamurana, ka puta ko ngā teretere o te awa ā, ko ngā ika ririki.
Ko ētahi kōrero e mea ana he taniwha kai tangata a Pekehaua ā, nā Pītaka me tana ope taua nō Ngāti Tama ia i whakamate. Heoi anō, e whakapono ana ētahi kei Te Awahou tonu a Pekehaua te tipua e tiaki tonu nei, e whakahaumaru tonu nei i te iwi me te awa hei wai whakaora i te tangata.
He aha te rauemi?
He pukapuka matihiko i whakatōpūhia ai ngā kōrero o runga ake nā, i whakaemihia ai ngā waiata me ngā haka mō Pekehaua, i tohua ai ngā roherohenga o Ngāti Rangiwewehi ā, i aratakina ai ngā tamariki mokopuna ki te tiaki i te awa me te taiao.
Whāinga
Ka ako ngā tamariki mokopuna…
- I takea mai a Pekehaua i hea
- He aha e hira nei ia ki a Ngāti Rangiwewehi
- Me pēhea te tiaki i te wai me te taiao pērā i a Pekehaua
- Ko hea ngā wāhi tapu o te iwi me ōna roherohenga
He aha ngā kāwai whakapapa