Te Pātaka Ngohe
Kaupae Tuatahi
AS91690 1.1 Ko te Reo Whakataukī Tēnei
Kia whakarite whakaaturanga e hāngai ana ki tētahi whakataukī. Ka aromatawaingia te tūhura, te whakamahi hoki i ngā pūkenga toi taketake hei whakaatu i ngā āhuatanga o te whakataukī i kōwhiria.
AS9160 1.1 He whakaharatau ā-rēhia
Kia whakarite whakaaturanga e hāngai ana ki tētahi take o te wā. Ka aromatawaingia te mārama ki, te whakamahi hoki i, ngā pūkenga toi taketake hei whakaatu i ngā āhuatanga o te take i kōwhiria.
AS91691 1.2 Ngā Kōrero o te Whenua
Kia waihanga ā rōpū i tētahi whakaaturanga ko ‘Ngā kōrero o te whenua’ te kaupapa. Ka aromatawaingia te tūhura me te whakamahi i ngā huānga toi taketake hei whakaatu i ngā āhuatanga o te kōrero i kōwhiria.
AS91691 1.2 Ngā Kōrero o te Whenua
Kia whakarite kauhau mō ētahi nekehanga mō te whakawātea. Ka aromatawaingia te tūhura me te whakamahi i ngā huānga toi taketake e hāngai ana ki tō kaupapa.
AS91692 1.3 Ngā Uara o te Kura
Kia tū ki tētahi wāhanga o te wharekura ki te whakaatu i tētahi whakaaturanga ko ‘ngā uara o te kura’ te kaupapa. Ka aromatawaingia te māramatanga me te whakamahi i ngā tukanga toi taketake ki te whakarite whakaaturanga e whakamāoritia ana ngā uara o te kura.
AS91692 1.3 He kōrero tuku iho
Kia whakarite whakaaturanga i runga i te kaupapa o tētahi kōrero tuku iho o te rohe. Ka aromatawaingia te whakamahi i ngā tukanga toi taketake ki te whakarite papa paki hei whakaatu i te kōrero tuku iho.
AS91693 1.4 Te Konohete o te Kura
Kia tū ki te konohete o te kura ki te whakaatu i tētahi raupapa kanikani motuhake. Ka aromatawaingia te mārama me te āhei ki te tito raupapa mō te take i kōwhiri ai e honohono haere i te tinana, reo, mokowā, tāima me ngā huānga ngoi kia whaitake ai te raupapa.
AS91693 1.4 He nekehanga mō te whakaeke
Kia whakaoti i ētahi raupapa nekehanga mō te wāhanga whakaeke kia rite mai mō ngā whakataetae kapa haka ā-rohe. Ka aromatawaingia te whakamāori me te māramatanga ki te tūhonohono i ngā huānga ā-tinana kia whaitake ai te raupapatanga.
AS91694 1.5 Nau Mai, Whakatau Mai!
Kia waihanga whitiata ā-mati mō te Te Tari Tāpoi o Aotearoa. Ka aromatawaingia te mōhio me te āhei ki te whakamahi hangarau matihiko hei whakawhanake i tētahi whitiata ā-mati e whakaaturia ana ngā tikanga tūturu o te pōwhiri.
AS91694 1.5 He waihanga papamuri matihiko
Kia waihanga papamuri matihiko mō tētahi rōpū kanikani o te wā. Ka aromatawaingia te whakamahi hangarau matihiko hei whakawhanake i tētahi papamuri matihiko.
AS91695 1.6 Toi Whakaari
Kia whakarite pūrongo e pā ana ki tētahi whakaaturanga o ‘Toi Whakaari’. Ka aromatawaingia te āhei ki te waihanga, ki te tuku kōrero e whakamārama atu ana i ngā āhuatanga matua o tētahi toi taketake kei ngā mahi a te rēhia.
AS91695 1.6 Ngā tino āhuatanga o te kapa haka
Kia whakarite whakaaturanga e tautohu ana i ngā tino āhuatanga o tētahi wāhanga o ngā mahi a Tānerore me Hinerēhia. Ka aromatawaingia te āhei ki te tautohu me te whakamārama i ngā āhuatanga matua.
AS91696 1.7 Ko te Whakapapa te Mahi
Kia waihanga ataata mō te whakapapa o tētahi tino akoranga o ngā mahi a te rēhia hei rauemi mā ngā tēina o te kura. Ka aromatawaingia te āhei ki te waihanga ataata e whakamārama ana i ngā kōrero whakapapa o tētahi akoranga o ngā mahi a te rēhia.
AS91696 1.7 He toi tipu, he toi ora
Kia whakarite kauhau e whakamārama ana i tētahi wāhanga o te mahi kapa haka. Ka aromatawaingia te whakamārama i te takenga mai o te kaupapa toi kua tohua.
AS91697 1.8 He Kaituhi Maheni
Kia tuhi arotakenga mō tētahi whakaaturanga. Ka aromatawaingia te āhei ki te whakamahi i te reo tika e hāngai ana ki tētahi tino akoranga o ngā mahi a te rēhia i runga anō i te mōhio ki ngā ariā o taua akoranga.
AS91697 1.8 He kaipūrongo mō Te Karere
Kia whakarite pūrongo hei whakapāho ki Te Karere. Ka aromatawaingia te whakamahi i te reo toi hei whakamārama atu i te kaupapa i whakahaeretia e te rōpū kapa haka.
Kaupae Tuarua
AS91751 2.1 Te noho taurite o Te Ao Māori
Ko te kaupapa o tēnei ngohe aromatawai kia whakarite whakaaturanga. Ka aromatawaingia te kounga o ngā pūkenga toi ka whakamātauhia, e waihanga mai ai tā te ākonga kaupapa.
AS91752 2.2 Mā te wāhi ngaro koe e ārahi
Ko te kaupapa o tēnei ngohe aromatawai kia. Ka aromatawaingia te whakawhānui i ngā tikanga o ngā huānga toi mā te whakamāori i tētahi titonga waiata.
AS91753 2.3 Ko tā te Māori mahi, he whakanui!
Ko te kaupapa o tēnei ngohe aromatawai kia tuhi i ngā whakaritenga mō te ngahau whakamutunga o te pō tuku taonga o te kura. Ka aromatawaingia te whakamārama mō ngā tukanga toi o ngā mahi a te rēhia i whakamātauhia i roto i te hautaka.
AS91754 2.4 Huri te ao, huri te tikanga
Ko te kaupapa o tēnei ngohe aromatawai kia whakarite i tētahi whakaari e whakaatu ana i tētahi o ngā tini tikanga o onamata. Ka aromatawaingia te whakaari me te whai i tētahi raupapa e puta mai ai te whakaari.
AS91755 2.5 He papa paki matihiko
Ko te kaupapa o tēnei ngohe aromatawai kia waihanga papa paki matihiko hei hāpai i tētahi kaupapa kei ngā mahi a te rēhia. Ka aromatawaingia te āhei ki te whakamātau hangarau matihiko hei whakaniko i tētahi papa paki matihiko e hāpai ana i tētahi kaupapa kei ngā mahi a te rēhia.
AS91756 2.6 Ko Māui kaitoi
Ko te kaupapa o tēnei ngohe aromatawai kia tuhi haurongo mō ngā mahi toi a tētahi kaitoi nō tētahi iwi taketake. Ka aromatawaingia te whakawhānui i ngā āhuatanga motuhake e kitea ana i roto i ngā mahi a te kaitoi nei.
AS91757 2.7 Ka pū te ruha
Ko te kaupapa o tēnei ngohe aromatawai kia waihanga rauemi e hāngai ana ki ngā āhuatanga hou, me ngā āhuatanga tawhito o tētahi akoranga o ngā mahi a te rēhia. Ka aromatawaingia te mārama me te āhei ki te waihanga rauemi e whakamārama ana i te rerekētanga o ngā toi taketake i ngā mahinga toi o ēnei rā.
Kaupae Tuatoru
AS91850 3.1 Ka tata a runga, ka roa a raro
Ko te kaupapa o tēnei ngohe aromatawai kia whakarite whakaaturanga e tātari ana i ngā tikanga i mua atu, i muri mai hoki o te tū ki te papa tū waewae o haka. Ka aromatawaingia te whakatau whakaaro mō ngā āhuatanga o roto, o waho hoki e pā mai, e whakarerekē mai ai pea i ngā tikanga toi taketake.
AS91851 3.1 Hakataetae
Ko te kaupapa o tēnei ngohe aromatawai kia whakarite kauhau e tātari ana i ngā āhuatanga o tēnei mea te haka. Ka aromatawaingia te tātari i tēnei mea te haka, tae atu ki ngā āhuatanga o roto, o waho hoki e pā mai ana, e whakarerekē mai ana i ōna āhuatanga.
AS91851 3.2 Iho ake, panoni atu
Ko te kaupapa o tēnei ngohe aromatawai kia whakarite whakaaturanga e whakamārama ana i ētahi huānga toi Māori me ngā panonitanga o aua huānga i ngā tau kua hipa. Ka aromatawaingia te whakamārama i ngā huānga toi o anamata, tae atu ki ngā āhua o roto, o waho hoki e whakarerekēhia ai ngā huānga, me te matapaki i ngā hua whānui e puta mai i ngā panonitanga, ngā urupare ka taea ki aua hua me te pupuri tonu i ngā tikanga toi taketake.
AS91851 3.2 Māui tinihanga
Ko te kaupapa o tēnei ngohe aromatawai kia whakarite kauhau e āta wetewete ana i ngā mahi a te kaiwhakawā, i ōna piki me ōna heke, i tōna ātaahua hoki. Ka aromatawaingia te tātari i ngā panonitanga o ngā huānga toi rēhia i roto i te ao whakawā.
AS91852 3.3 He uri ahau nō Te Ao Māori
Ko te kaupapa o tēnei ngohe aromatawai kia whakarite whakaaturanga e whakamāoritia atu ai tētahi kōrero tuku iho nō te ao onamata. Ka aromatawaingia te āhei ki te kōtuitui, ki te whakamahi i ngā āhuatanga toi taketake kia hāngai ai ki tētahi kōrero/kaupapa hei hanga mahi toi motuhake e whakahua ana i ngā whakaaro hōhonu.
AS91852 3.3 Te aro a kapa
Ko te kaupapa o tēnei ngohe aromatawai kia waihanga i tētahi nekehanga motuhake hei whakaatu i te tikanga whakamahi rākau o te riri. Ka aromatawaingia te hōhonu o ngā āhuatanga toi taketake ka whakamahia ki te waihanga nekehanga mō te rākau o te riri kua kōwhiria.
AS91853 3.4 Ka mau te wehi
Ko te kaupapa o tēnei ngohe aromatawai kia whakarite whakaaturanga e tātari ana i ngā āhuatanga kua tautohua ki roto i tētahi whakaritenga me te tūnga ki runga i te papa tū waewae o haka. Ka aromatawaingia te āhei ki te whakamārama i ngā taha rerehua kua tātaritia.
AS91853 3.4 Ka puta mai roto
Ko te kaupapa o tēnei ngohe aromatawai kia tuhi arohaehae mō ngā āhuatanga ao wairua, ao kikokiko i roto i tētahi mahi a te rēhia. Ka aromatawaingia te whakatau whakaaro mō ngā āhuatanga ao wairua, ao kikokiko, tae atu ki ngā āhuatanga o roto, o waho, o namata, o nāianei hoki e whakaawe ana i te mahi.
AS91854 3.5 Te whakatū whakataetae kapa haka ā-rohe
Ko te kaupapa o tēnei ngohe aromatawai kia whakarite pūrongo hei whakamārama atu i ngā ture mō ngā whakataetae kapa haka ā-rohe. Ka aromatawaingia te āhei ki te whakamārama i ngā kaupapa here i roto i te pūrongo.
AS91854 3.5 Nōku ake te mahi nei
Ko te kaupapa o tēnei ngohe aromatawai kia whakarite whakaaturanga hei whakatau whakaaro mō te tukuatu i tētahi o āu kanikani ki tētahi wāhi ipurangi mō te hoko atu. Ka aromatawaingia te whakatau whakaaro mō te pāpātanga o ngā kaupapa here ki te kaikanikani me āna kanikani motuhake.