Te Pātaka Tauira
E whai ake ana ētahi tauira o tētahi mahere kōtuitui. Ko tētahi mahi a te mahere kōtuitui he kōtui i ngā wāhanga ako me ōna āhuatanga i raro i tētahi kaupapa whānui. He mea hāpai tēnei i te whakamaheretanga o te ako kia ea i ā ngā ākonga ngā āhuatanga o te ako me ngā huinga whiwhinga i raro i tētahi kaupapa whānui. Ko te painga o tēnei momo whakaritenga ko te noho o te ako hei aronga matua kaua kē ia te paerewa paetae me ōna whiwhinga.
He Mahere Kōtuitui hei Tauira
|
MANAAKITANGA Nō mua noa atu i a tāua te tangata tēnei mea te manaakitanga me ōna tini mata. He ariā i tipu mai ai i te kore kua riro mā tātou te tangata e whakaute, e whakakanohi, e whakaringaringa, e whakawaewae.
Kei te whakawhanakehia i tēnei mahere kōtuitui tō tātou mārama ki te manaakitanga. E kitea ana ngā mata o te manaakitanga i ngā wāhanga ako maha o te marau, ā, kua kōtuia ētahi o aua hononga ki roto i tēnei mahere. Heoi anō, me toro tonu ki Te Marautanga o Aotearoa ki te kapo ake i ngā whāinga paetae e hāngai ana, ka mutu e whāia ana.
Mō te wāhi ki te aromatawai ā-paerewa paetae, tirohia te Pātaka Paerewa (link to Hangarau Paerewa Paetae) e tūhono nei rānei, torohia te paetukutuku o NZQA (link to NZQA standards) rānei, torohia te paetukutuku He Kauwhata Reo (link to website) rānei. |
|
|
Kaupapa whāiti hei tauira Kei ā tātou mahi o ia rā ngā tohu o te manaakitanga. E rārangi mai ana ētahi kaupapa whāiti kua taka iho i te kaupapa whānui hei aro mā koutou i a koutou e whakawhanake ana i tō koutou māramatanga ki tēnei mea, te manaakitanga. Ehara tēnei rārangi kaupapa i te whānuitanga o ngā kaupapa ka taea, he tīmatanga noa iho.
Te pōhiri Haere mai rā e te manuhiri tūārangi kia uhia koutou ki ngā tino o te ao Māori o mua, o nāianei.
Ngā ritenga, ngā tikanga Me whati te tikanga e ora ai te tikanga?
Ngā kai taketake Waiho mā ngā kai taketake a te iwi Māori me ōna takiwā ngā tāngata e whakamihi, e whakapoapoa.
Ngā ahurea ā-motu, ā-ao E rongo ai au te manaaki i tēnā tangata, i tēnā iwi, i tēnā whenua, me mōhio ahau ki te manaaki. |
|
|
He tūmahi hei tauira E rārangi mai ana ētahi whakaaro hei hāpai i ngā mahi whakarite tūmahi, whakaū hoki i ngā paerewa paetae me ōna ngohe aromatawai e hāngai ana.
Ngā ngohe aromatawai Tirohia ngā ngohe aromatawai kei ia paerewa paetae ka whāia kia mārama ai koe ki te momo ngohe e tika ana, ki ngā āhuatanga e aromatawaia ana, ā, ki ngā taunakitanga hoki e mea ana ka eke paetae, ka eke kaiaka, ka eke kairangi rānei ngā mahi. |
|
|
Tūmahi: Te whakaputa hua hangarau Inā kē te huhua o ngā hua hangarau ka taea hei hua manaaki i te tangata, i te taiao, i te koiora, tae atu rā ki te reo. Ki te hiahia koutou ki te whakaputa hua hangarau me whai te tukanga hoahoa hua, ā, e kitea ana tēnei tukanga i ngā taumata e toru o te Hangarau, ka mutu i ngā paerewa paetae hoki. |
Ngohe aromatawai Hangarau: 91714 - 91718, 1.1-1.5 A & B
|
|
Tūmahi: Rangahau - mā te uiui, mā te tirotiro puna mātauranga, mā te torotoro haere hoki i te takiwā e kitea ai ngā tini mata o te manaakitanga. |
Ngohe aromatawai Te Reo Rangatira: 91666, 1.10 91667, 1.11 |
|
Tūmahi: He ritenga, he tikanga - kei ngā ritenga me ngā tikanga a te Māori ngā tino tohu o te manaaki. Kia whiriwhiria t/ētahi āhuatanga hei whai, ko ngā paerewa paetae e rārangi mai ana ētahi e aronui ana ki te mātauranga Māori, ki ngā mātāpono me ngā whakataunga tika hoki o te Māori. |
Ngohe aromatawai Hauora: 91685, 1.2A I takea mai i hea?
|
|
Tūmahi: Te whakapūmau hurea - He mea nui ki a tāua te whakapūmautanga o tō tāua ahurea, ā, he nui hoki ngā āhuatanga e pā mai ana nā reira ka rerekē te āhua o tā tāua manaaki i aua āhuatanga. |
Ngohe aromatawai Tikanga ā-Iwi 91727, 1.2 91731, 1.6 |
|
Tūmahi: Ngā kai taketake Waiho mā ngā kai taketake a te iwi Māori me ōna takiwā ngā tāngata e whakamihi, e whakapoapoa. Torohia ngā kōrero mō ngā kai taketake o tō takiwā me ngā tikanga tuku iho o aua kai taketake. |
Ngohe aromatawai Hauora: 91685, 1.2A |