Tā te Māori tuku - pukapuka tuarua
He kohinga tēnei e whakatairanga ana i ētahi āhuatanga nō neherā hei ako mā te ākonga hītori. He pukapuka tautoko tēnei mā ngā kaiako, mā ngā ākonga hoki, i ngā akoranga pakirehua. Ko te arotahinga o tēnei putanga ko te Whakapapa, tētahi o ngā tirohanga nō roto mai i o Te Takanga o Te Wā.
I te tau 1896 ka tukuna a Wairarapa Moana e Ngāti Kahungunu ki Wairarapa ki te Karauna hei ‘tuku rangatira’. Engari i pōhēhe ngā uri Māori o Wairarapa i hokona kētia te moana e ō rātou tūpuna. I whakanekehia te iwi ki Te Rohe Pōtae. Nā reira i raru ai ngā hononga ki a rātou anō, ki ō rātou whenua me ā rātou tikanga. Ka tūhura tēnei tuhinga i ngā pānga o ēnei āhuatanga ki te iwi o Ngāti Kahungunu ki Wairarapa nō muri i te tuku rangatira, ā mohoa noa nei.
Ka uia a Catherine Messenger-Weepu, nō Kāti Waewae, mō ngā tikanga e pā ana ki te pounamu, ka mutu ka whakamāramahia ngā āhuatanga o ngā momo. Ka kōrero hoki ia mō tētahi hei tiki o tōna whānau, e kīia nei ko Tūmatauenga.
He kōrero whakaari tēnei mō ngā whakaneketanga o tētahi taonga ki tā te tirohanga a te taonga. Mai i tōna ngaromanga ki tōna kitenga tae noa mai ki ngā tirohanga a te tangata mōna. Mai i tōna putunga, ki tōna whakahokinga ki tōna ūkaipō.
He kiko matihiko tāpiri mō tēnei tuhinga kei te whakaputanga Ngā Ata Kūkara hei whakawhānui i te ako a ngā ākonga.
Ka kitea i tēnei aratohu mā te pouako he kupu pakirehua, he ngohe hoki kia whai māramatanga ai koe ki tēnā tuhinga, ki tēnā tuhinga. He tīwhiri hoki kei ngā ngohe mō te arotake, e hāngai ana ki ngā whāinga e whā o Te Takanga o Te Wā.