Kati
Ko te hātepe pūtaiao rorohiko

Ko te hātepe pūtaiao rorohiko

Tirohanga Whānui

Ko te hātepe pūtaiao rorohiko

Ka taea te tohu me te whakatairite i te āhua o te uauatanga ā-rorohiko, o ngā hātepe tukurua mō te raru kotahi (te rapu me te wehewehe) e pā ana ki te tatau o ngā whakatairitenga me te roa o te wā o taua mahi. Ka mārama ki te tū āhua o te pārongo tuhiwaehere (pērā i te whakakōpētanga, i te whakamunatanga, i te hēanga), ngā whakamahinga noa o te pārongo tuhiwaehere, me te whakamahinga o ngā momo hangarau i ngā pārongo tuhiwaehere. Ka taea te whakamahi i te anga tārai rite ki tētahi papatono, kia tere ai, kia pai ai te pupuri i ngā kohinga raraunga.

Ngā putanga ako

Ka taea e te ākonga te hanga tētahi papatono mā te whakamahi i:

  1. Ngā taurangi.
  2. Ngā raupapatanga, ngā koropewa me ngā here.
  3. Te hanganga hangore ā-kōwae e tōtika ana, he māmā te urutau/whakapai ake.
  4. Te whakamātautau pūnahanaha hei patuiro me te whakapai ake.
  5. Ā rātou tākupu mō te āhua e mahi ai tā rātou papatono ki te whakarite i ngā whakapai ake mā te mahi tahi.
Ngā mōhiotanga

E mōhio ana ngā ākonga:

  1. Ki te momo hātepe e tino arotau ana ki te whakaoti i tētahi momo rapanga.
  2. Ka hiahiatia pea tētahi huinga hātepe ki te whakaoti i tētahi rapanga.
  3. Me pēhea te whakamahere i te whakamātautautanga o tētahi papatono.
Horopaki

E torotoro ana ngā ākonga i te ariā o te manaaki tangata me te manaaki i tētahi rōpū nui i te marae, i te kura rānei. Kei tēnei ngohe ka tuhituhi ngā ākonga i tētahi papatono rorohiko māmā e taea ai e te tangata te rapu i ētahi o te whānau e ngaro ana i tētahi ohotata. Ka whakamarohi ngā ākonga i tētahi whakaotinga arorau ki te rapanga, ka hoahoa i te rapanga arorau, ka tuhituhi i te papatono he pai te hanga, ka whakamahere i te whakamātautautanga o te papatono. Me hanga te papatono kia māmā ai te whakapai ake.

 

I tikiake mai i http://technology.tki.org.nz Ko te Trinket™ he mea waitohu nā te © 2015- 2018 Trinket, ehara i te mea he tautoko, he whakamana, e whakaae ana rānei rātou ki tēnei pae. Mana tārua © Te Tāhuhu o te Mātauranga 2018, engari anō ngā atahanga Trinket™. Kāore tēnei papatono e tautokotia ana e te Tāhuhu o te Mātauranga.

Rauemi

Screen Shot 2020 02 26 at 12.07.39 PM

Ngā Kupu Hou / New Words
Kupu Māori
Kupu Pākehā

Ngā raupapa

Sequences

Koropewa

Loop

Taurangi

Variable

Whakamātautau pūnahanaha

Systematic testing