Kati
Te waihanga pūkete Scratch

Te waihanga pūkete Scratch

Tūmahi

Whāinga

Ka mārama, ka whakamahi i ngā kīanga whakaahua, kīanga whakarite hei whakaniko i te kaupapa. Ka tika te tātaki kupu hou me te whai i ngā ture o te reo. Te whakamahi i tētahi tātauira e tika ana mai i te taupānga Scratch ki te waihanga hākoritanga e whakaatu ana i tētahi tūmahi pārekareka ki te ākonga me tōna whānau hoki.

Putanga ako
Ka taea e te ākonga
  • te whakaaro mō tētahi tūmahi ka pārekareka ki tōna whānau
  • te waihanga pūkete Scratch
  • te matapaki i te whakamahinga o ngā tātauira, me mātua whakamihi ki te hunga nā rātou ake i waihanga
  • Kimihia he tātauira hākoritanga e pā ana ki tā rātou tumahi whānau
  • te tāpiri/panoni i ngā āhuatanga pērā i te papamuri me ngā tāpare ki te waihanga i tētahi hākoritanga
  • te whakauru whakamihi ki te kaiwaihanga o te tātauira
  • te tiaki i te hākoritanga ki tā rātou pūkete Scratch
  • te tuari i te hononga o tā rātou hākoritanga ki tā rātou kaiako.
Paearu angitu
Ka angitu te ākonga mēnā ka taea e ia

Te waihanga pūkete Scratch

  • te kimi tātauira hākoritanga e pā ana ki tā rātou ngohe whānau
  • te tāpiri/panoni i ngā āhuatanga pērā i te papamuri me ngā tāpare ki te waihanga i tētahi hākoritanga
  • te tiaki i te hākoritanga ki tā rātou pūkete Scratch
  • te tuari i te hononga o tā rātou hākoritanga ki tā rātou kaiako.
He Tauira Ngohe

Waihangatia tētahi kēmu māmā, tētahi hākoritanga rānei mā te taupānga ipurangi Scratch hei rauemi ako kei roto ko ētahi kīanga hou.

Te Ngohe
Whakawhiti Kōrero

He aha ngā ngohe makau ka mahia tahitia e koutou ko tō whānau?

He aha te momo tātauira hākoritanga ka rapua e koe?

Waihanga
  • Waihangatia he pūkete Scratch.
  • Kimihia he tātauira hākoritanga e pā ana ki tā rātou tūmahi whānau.
  • Tāpiritia/panonitia ngā āhuatanga pērā i te papamuri me ngā tāpare ki te waihanga i tētahi hākoritanga.
  • Tiakina te hākoritanga ki tā rātou pūkete Scratch.
  • Tuaritia te hononga ki tā rātou hākoritanga ki tō rātou kaiako.
Aromātai
  • Pureitia anō te hākoritanga i waihangatia e te ākonga
  • Kōrerohia te tukanga i whāia – he hapa anō hei whakatikatika? Mēnā āe, me pēhea te whakatikatika?
  • I pēhea te mahi a te ākonga ki te whakawhaiaro i te tātauira hākoritanga ki te waihanga i tā rātou ake?
Ngā whakaritenga

I mua i te tīmatanga. Tuhia ngā whāinga me ngā paearu angitu ki te papa.

Tīmatanga

Kōrerotia ngā whāinga, ā, ka matapaki ai i te tūmahi. Pānuihia ngā paearu angitu.

Waenganui
Whakawhiti kōrero
  • Ko tēhea tūmahi te mea makau katoa hei mahi mā koutou ko tō whānau?
  • Ko tēhea momo tātauira hākoritanga tāu e rapu ana?
Waihanga
  • Te waihanga pūkete Scratch.
  • Te rapu tātauira hākoritanga e pā ana ki te tūmahi whānau.
  • Te tāpiri/panoni i ngā āhua pērā i te papamuri me te tāpare ki te waihanga i te hākoritanga.
  • Te tiaki i te hākoritanga ki tā rātou pūkete Scratch.
  • Te tuari i te hononga ki te hākoritanga ki te kaiako.
Aromātai
  • Pureitia anō te hākoritanga i waihangatia e te ākonga.
  • Matapakihia te tukanga i whāia – he raru anō i puta, ā, me whakatika? Mēnā āe, i pēhea te whakatika? I pēhea hoki te whakawhaiaro a te ākonga i tana tātauira hākoritanga kia kitea ai, nāna tonu ngā mahi nei?
Katinga
  • Hoki atu ā-rōpū ki te whakawhiti kōrero.
  • Tirohia anō ngā whāinga me ngā paearu angitu.

He taunaki mahi

Tā te ākonga

 HMC1803 VUW 3E 1

Whakaahua 1: He rapu tātauira.

 

 HMC1803 VUW 3E 2

Whakaahua 2: Te huaki i te tātauira i kōwhiria.

 

 HMC1803 VUW 3E 3

Whakaahua 3: I roto i te tātauira i kōwhiria.

 

 HMC1803 VUW 3E 4

Whakaahua 4: Te tautohu me te tātari i te waehere poraka māmā i whakamahia i roto i te tātauira.

 

 HMC1803 VUW 3E 5

Whakaahua 5: Te tāpiri me te whakahou i ngā kiripuaki i roto i ngā kākahu (tāpare).

 

 HMC1803 VUW 3E 6

Whakaahua 6: Te muku me te whakahou i ngā kuputahi ki roto i ia kākahu e tika ana.

 

 HMC1803 VUW 3E 7

Whakaahua 7: Whakamātau ana i te hākoritanga Scratch kua oti.

 

 HMC1803 VUW 3E 8

Whakaahua 8: Whārangi tūmahi – te whakaingoa me te tuari i te hākoritanga, me te mihi ki te kaiwaihanga tātauira taketake.

Te hononga ataata

Hākoritanga Scratch Māmā - ākonga 1

He whakawhiti kōrero

Kaiako: I ahu mai ētahi raru i a koe e tīni ana i ētahi o ngā āhuatanga i roto? I pēhea koe i whakatika ai?

Ākonga: Āe, i te wā i tīni au i te papamuri, kāre au i tango i te papamuri tūturu. Ā, ka tere hoki atu te papamuri ki te mea tuatahi. I hoki au ki te tāpiri i te papamuri hou ki te tāpare tuatahi, ā, ka whakatika. I wareware hoki au ki te tāpiri i te makimaki ki tētahi tāpare, ā, ka ngaro te makimaki i ētahi wā. I kimi au te tāpare hē, ā, i tāpiri te makimaki.

Kaiako: He aha ngā momo āhuatanga o te hākoritanga nei i panoni ai koe?

Ākonga: I tīni au i te papamuri, me ngā kōrero Pākehā i roto. I tuhi au aku kōrero Māori. I tāpiri au i tētahi kararehe anō, arā ko te makimaki. Ko ia taku tungāne.

Kaiako: He aha ō whakaaro e pā ana ki te hononga o te tuhi waehere o roto, me ngā tāpare?

Ākonga: Ko te tuhi waehere te mea whakahaere i te katoa, kia mahi tika. E āhei ana au te tīni i ngā mea ki roto i ngā tāpare, engari kia kaua e tīni i te tuhi waehere, kei raru. E kore te mea e mahi.

Kaiako: He aha te take o te mihi ki te kaihanga o te tātauira?

Ākonga: Nā te mea i whakamahi au i tana tauira. Nāna i mahi te tauira tuatahi, ā, i rapu au i tana tauira, I tīni au i āna mahi ki taku mea.

 

Kaiako: Did you come across any issues while you were changing any of the costume features?

Ākonga: Yes, when I changed the backdrop, I didn’t remove the original backdrop. It went back to the first one. I went back to the first costume, and removed the first backdrop, and then it was fixed. I forgot to put the monkey into one of the costumes, it disappeared for a while. I looked for the costume with the error, and added the makimaki.

Kaiako: What features of the animation did you change?

Ākonga: I changed the backdrop, and the English kōrero in the animation. I wrote it in te reo Māori. I added another animal, a monkey. He represents my brother.

Kaiako: How do you think the coding and the costumes are connected?

Ākonga: The coding runs the whole thing. I can change the features within the costumes, but not the coding, there will be issues and it won’t work.

Kaiako: Why is it important to acknowledge the original template creator?

Ākonga: Because I used their example. They made the first example, and I found it and changed it to my own.

 

'He whakawhiti ā-tuhi tēnei o tētahi kōrero tūturu.'

Rauemi
  • Rorohiko/Rorohiko pōnaho
  • te urunga ki te ahokore
  • pūkete Scratch mā te ākonga
Aromatawai
Ka mōhio ngā ākonga ki
  • te rapu tātauira ki te taupānga Scratch
  • te panoni i te papamuri
  • te tāpiri/panoni ki te whakawhaiaro i te tātauira hākoritanga ki te waihanga i tā rātou ake?
  • Te tiaki i te hākoritanga ki tā rātou pūkete Scratch
  • Te tuari i te hononga ki te hākoritanga ki te kaiako.
Hononga ki te Marautanga
Te reo Māori Whenu: ā-Waha, ā-Tuhi Taumata: 4
Rerenga kōrero

I ahu mai ētahi raru i a koe e tīni ana i ētahi o ngā āhuatanga i roto? I pēhea koe i whakatika ai?
Did you come across any issues while you were changing any of the costume features? How did you fix them?

He aha ngā momo āhuatanga o te hakoritanga nei i panonitia e koe?
What features of the animation did you change?

He aha ō whakaaro e pā ana ki te hononga o te tuhi waehere o roto, me ngā tāpare?
How do you think the coding and the costumes are connected?

He aha te take o te mihi ki te kaihanga o te tātauira?
Why is it important to acknowledge the original template creator?

He aha ngā pūrere matihiko kua whakamahia e koe (i te kāinga, i te kura rānei)? 
What digital devices have you used (at home or at school)?

Tirohia ngā pikitia – He aha ēnei momo pūrere matihiko?
Look at the pictures – What are these types of digital devices?

Ngā Kupu Hou / New Words

 

Kupu Māori
Kupu Pākehā

aromātai

evaluate

rapu

search

hākoritanga

animation

rorohiko pōnaho

laptop

ahokore

wireless

tāpare

frame

ōhia manomano

brainstorm

tāputa

output

papamuri

backdrop/background

tātauira

 template
pūkete account
pūāhua character
ahanoa object
rangipokohu sprite
tāuru  input
pūrere matihiko digital device
waihanga create