Kati
Ko te rorohiko hei pupuri kōrero

Ko te rorohiko hei pupuri kōrero

Tirohanga Whānui

He Whakataki

E ako ana ngā ākonga ki te kimi me te kuhu atu ki te mōkī rauemi ‘He Ara Pāhekoheko’ i roto o He Manu Tuhituhi He Ara Pāhekoheko, te tīpako i te tatauria whakakāwai, te tiaki me te tiki anō i tā rātou tūtohi hura ActivInspire mai i te kōpaki. Ka taea e rātou te whakarite ake te tae o tā rātou kuputuhi whakauru tūtohi hura, te whakatikatika me te raweke i ngā pouaka kuputuhi kua waehere kē.

Tā tēnei mahi e whakaatu ana

Ko tā ngā ākonga ki te ngohe ko te tiri i ngā momo kaupapa e whai ana rātou i te kura. I whakatau a Xavier, Te Reo Mihia me Te Ana-Brie ko te kaupapa o te kai Hauora me ngā kāwai e rua o ngā huarākau me ngā huawhenua. Ka mahi ngātahi rātou ko te kaiako ki te waihanga rārangi o ngā huarākau me ngā huawhenua, ka whakamahi hoki rātou i te papakupu pikitia mēnā kāore rātou i te mōhio ki te kupu Māori. Ka tīpako ia ākonga i ngā huarākau e 4, me ngā huawhenua e 4 mai i te rārangi hei whakamahi i tā rātou mahi.

Ka whakaatu ngā ākonga ka taea e rātou:

  • Te kuhu ki te mōkī rauemi ‘He Ara Pāhekoheko’ me te kimi i te tātauria tūtohi hura whakaraupapa.
  • Te tiaki me te tiki anō i tā rātou tūtohi hura kua waeherea.
  • Te tāuru i te kuputuhi ki te āhua o te taitara, ki te tapanga kāwai hoki i ngā pouaka kuputuhi kua waehere kē.
  • Te whakarahi anō me te nuku i ngā pouaka kuputuhi.
  • Te whakamārama pēhea te āhua o ngā pouaka kuputuhi waehere kē ina ka tōia, ka whakatakaina ki runga i tētahi o ngā pouaka kāwai e rua.

I tikiake mai i http://technology.tki.org.nz Ko te ActivInspire he mea waitohu na Promethean World, ehara i te mea he tautoko, he whakamana, e whakaae ana rānei rātou ki tēnei pae. Mana tārua © Te Tāhuhu o te Mātauranga 2018, engari anō ngā atahanga ActivInspire. Kāore tēnei papatono e tautokotia ana e te Tāhuhu o te Mātauranga.