Kati
Ko te rorohiko hei pupuri kōrero

Ko te rorohiko hei pupuri kōrero

Tirohanga Whānui

He Whakataki

Kei te akomanga. Kei te whakamahi ngā ākonga i te pūrere matihiko, tētahi atu momo papahiko rānei, ki te tautoko i ngā akoranga mā te tākaro kēmu. Mō te nuinga o ngā ākonga, he tūmahi hou te waihanga whakaaturanga matihiko mā te whakamahi atahanga me te hopunga reo.

Tā tēnei mahi e whakaatu ana

Ka whakamahi i te taupānga Explain Everything ki te waihanga whakaaturanga poto o tā rātou pepeha hei ako/ taunaki i te hononga ki tō rātou ake rohe. Ka whakamahi atahanga e hāngai ana ki tā rātou ake pepeha i tīkina ake i Puku Atahanga, ka waihangatia hoki he hopunga reo i roto i te taupānga. Ka taea e ngā ākonga te otinga o ngā mahi te tiaki ki tā rātou pūrere, ka īmēra atu ki te kaiako.

Ngā momo tikanga

Kua kōrerohia e ngā ākonga te pūtake o te pūrere matihiko, āra, te pupuri me te tuari i ngā mōhiohio. Kua whakaritea te whakamahi i ngā pūrere matihiko ki te hopu kōrero me te hītori ki ngā ara i whakamahia e ō rātou tūpuna ki te pupuri me te tuari mātauranga me te mōhiohio, pērā i te whakairo, te tukutuku me te waiata. Kei te mōhio rātou ahakoa ka taea te whakamahi ngā ara o mua hei pupuri, hei tuari mōhiohio, ka taea hoki te whakamahi i ngā taupānga me ngā pūrere matihiko.

 

I tikiake mai i http://technology.tki.org.nz Ko te Explain Everything he mea waitohu nā Explain Everything™ Interactive Whiteboard, ehara i te mea he tautoko, he whakamana, e whakaae ana rānei rātou ki tēnei pae. Mana tārua © Te Tāhuhu o te Mātauranga 2018, engari anō ngā atahanga Explain Everything™ Interactive Whiteboard. Kāore tēnei papatono e tautokotia ana e te Tāhuhu o te Mātauranga.